Item want vrancke py(n)noc die voir meye(r) en(de) scepen(en) van loeven(en)/ gegoet en(de) gearft es uut eene(n) beleyde bekint van janne en(de) gorde/ vande(n) broeke gebruedere(n) int jaer ons he(re)n xiiii[c] xxxv ix/ dage in junio ende beleidt ende ov(er)bracht voir scepen(en) van loeven(en)/ xvii dage in junio in tselve jaer in de goede hier na bescr(even)/ Te weten in eene(n) stucke ond(er) lant eeussel en(de) beempt gelege(n)/ ter schuere(n) inde p(ro)chie van sichen(en) op de hoolbeke tussce(n)/ de selve beke en(de) den diest(er)schenwech en(de) naest den goeden/ d(er) kinde(re) roesmeers en(de) bijde(n) vive(r) ald(air) It(em) inde helicht/ van i zille(n) bosch luttel min oft meer gelege(n) te zichen(en)/ inde nede(re)nbosch tussce(n) der goede henr(icx) coenrarts en(de) de kinde(re)/ willems wile(n) vand(er) schuere(n) It(em) inde helicht van i zille(n)/ bosch gelege(n) ald(air) tussce(n) henr(ic) coenrarts en(de) roymere(n)/ naelde met alle de(n) rechte vand(er) and(er) helicht vande(n) selve(n)/ goeden Welke gued(inge) gesciede xv d(age) in februar(io) int jaer/ xiiii[c] xliii op eene(n) dach va(n) rechte hadde doen/ inscrive(n) henr(icke) coenraerts die he(m) aen de voirs(creven) goede/ ongebruyc dede en(de) de selve henr(ic) tot de(n) selve(n) dage/ niet en qua(m) soe werdt de voirs(creven) vrancke trecht/ v(er)sueken(de) inde voirs(creven) goede gewijst also v(er)re alst/ doen voir scepen(en) come(n) was Na desen soe qua(m) de voirs(creven)/ henr(ic) en(de) heeft een aensp(ra)ke gedaen tot den voirs(creven)/ vrancke(n) vande(n) voirs(creven) goeden seggen(de) inde(n) yersten/ dat een gehete(n) ardt vand(er) schuere(n) ende alyt sijn wettich/ wijf de voirs(creven) goede besate(n) als hue(r) wettige erve en(de) dat/ ardt d(air) uut starf als uut sijne(n) erve en(de) dat de voirs(creven)/ aleyt d(air) inne bleef sitte(n) als i tochtersse en(de) d(air) uut/ starf als uut huere(n) wettige(n) erve tocht Seide voirt/ de voirs(creven) henr(ic) dat de(n) voirs(creven) he art en(de) aleydt/ hadden iii kindere(n) Te weten(e) henr(ic) alite(n) en(de) lijsbette(n)/ en(de) dat lijsbeth voir aflivich wordt en(de) d(air)na de voirs(creven)/ henr(ic) sond(er) oir van hem te laten(e) en(de) onghehuwet
//
en(de) dat also de voirs(creven) goede come(n) ware(n) op d(er) voirs(creven) aliten/ die getroudt hadde woute(re)n vand(er) donct die de(n) scho/ Seide voirt de selve henr(ic) dat de voirs(creven) wout(er) vand(er)/ donct voir scepen(en) va(n) loeven(en) eene(n) schoutbr(ief) bekint/ hadde mathijse mathijs welke mathijs he(m) hadde doen/ leyde(n) tot de(n) vo goede(n) des selfs wout(er)s Ende dat/ uut dien beleide de voirs(creven) henr(ic) coenrarts gegoet en(de)/ gearft ware inde voirs(creven) goede Tot desen dede de/ voirs(creven) henr(ic) seggen dat de voirs(creven) wout(er) vand(er) donct/ voir mathijs thijs uut machte vande(n) voirs(creven) beleide na/ en(de) te(n) uterste(n) de voirs(creven) henr(ic) coenrarts toesiende/ sijnre voirs(creven) wed(er)p(ar)tien de voirs(creven) goede altijt peyslijc/ besete(n) hadde(n) pe vredelijc en(de) ongestoert alse hue(r)/ wettige erve Oec seyde de selve henr(ic) al w(ar)t/ soe dat de voirs(creven) vrancke oft de ghene d(air) af hij/ sijn guedinge hadde e(n)nich recht mochte(n) hebben/ gehadt des hij niet en meynde in de voirs(creven) goede/ soe hadde hij uut machte van sijnre guedinge(n) de voirs(creven)/ goede doen gebieden na d(er) stad recht van loeven(en)/ ende alle dese voirs(creven) poente(n) boet de voirs(creven) henr(ic) te thoene(n) en(de) mette(n) my(n)ste(n) (et)c(etera)/ hoepte en(de) meynde d(air) o(m)me de voirs(creven) henr(ic)/ dat he(m) de voirs(creven) goede volge(n) souden na dbegrijp/ van sij(n)re gued(inge) die hij d(air)af hadde en(de) in de(n) rechte/ dede lesen ofte he(m) geliefde wale des recht/ en(de) vo(n)nisse Op dwelc de voirs(creven) vrancke he(m)/ v(er)antwerdende dede segge(n) inde(n) yerste(n) dat een/ art vand(er) schuere(n) hadde ii bruedere(n) en(de) een/ zuster va(n) wettige(n) bedde en(de) va(n) vad(er) en(de) va(n) moed(er)/ en(de) dat de goede d(air) tgedinge o(m)me es come(n) ware(n)/ va(n) arts vad(er) en(de) sij(n)re moeder en(de) dat die also/ come(n) ware(n) op de(n) selve(n) arnde br zijn brued(er) en(de) zust(er)/ Voirt seyde de voirs(creven) vrancke dat lod(ewijc) vande(n) broeke/ getrout hadde alite(n) vand(er) schue(re)n weduwe arts voirs(creven)
//
en(de) dat ardt en(de) zij(n) wijf mette(n) [de] voirs(creven) henr(ic) sitten(de) in/ eene(n) broede mette(n) voirs(creven) lod(ewijc) en(de) sijne(n) wive die in deele/ vande(n) voirs(creven) goede(n) gecrege(n) hadde Seyde voirt dat de/ voirs(creven) lod(ewijc) vande(n) broeke en(de) sijn wijf tvoirs(creven) goet besete(n)/ hadde(n) alse huer erve en(de) dat de vrouwe voirs(creven) d(air) uut/ starf als uut huere(n) erve en(de) lod(ewijc) d(air) na als uut sij(n)re/ tocht Seyde voirt dat jan en(de) gordt vande(n) broede/ gebruede(re) des vors(creven) lod(ewijc) die de(n) schoutbr(ief) vande(n) beleide/ d(air) uut vranc sijn gued(inge) hadde bekindt heeft hadde(n)/ vande(n) voirs(creven) goede(n) de naeste levende ware(n) en(de) va(n)/ wettige(n) bedde hoept Welke poente hij boot te thoene(n)/ en(de) mette(n) mynste(n) (et)c(etera) Hoepte d(air) o(m)me de voirs(creven) vrancke/ dat he(m) en(de) sij(n)re gued(inge) de helicht vande(n) voirs(creven) goede(n)/ volgen souden en(de) des geliefde hem trecht Also dat/ na desen de scepen(en) gemaent wijsde(n) beyde de p(ar)tien tot/ hue(re)n bethoene(n) Tot welke(n) dage de voirs(creven) henr(ic) thoende/ alle tgene des hij hem in sijnre aensprake(n) v(er)mete(n) hadde/ met wettege ma(n)ne(n) en(de) goede(n) lieden Dede oec de selve/ henr(ic) d(air) na lesen sijn voirs(creven) gued(inge) en(de) de gebode die hij/ d(air) af hadde doen doen Van welke(n) gebode(n) de(n) tijt vande(n)/ jare ov(er)leden en(de) v(er)streke(n) was midts den welke(n)/ hij hoepte inde vors(creven) goede te blive(n) D(air) na/ thoende de voirs(creven) vrancke inden yerste(n) dat ardt vand(er)/ schuere(n) hadde ii bruede(re)n en(de) een zuste(r) va(n) wettige/ bedde en(de) dat de voirs(creven) goede come(n) ware(n) van arts/ vad(er) en(de) moed(er) en(de) also na op arnde sijn brued(er) en(de) zuste(r)/ droege(n) de selve ii getuge(n) dat lod(ewijc) vande(n) broeke/ getrout hadde alite(n) vand(er) schuere(n) arts wijf was/ en(de) dat de selve goede gecrege(n) ware(n) bij henr(icke) ongehuut/ sijnde sitten(de) met lod(ewijc) en(de) zij(n)re moed(er) in eene(n) broede/ Droege(n) voirt de selve dat lod(ewijc) en(de) sij(n) wijf [mette(n) voirs(creven) henr(ic)] tvoirs(creven) goet/ besate(n) als huer erve en(de) dat de vor vrouwe voir en(de) lod(ewijc)/ na d(air) uut ware(n) gestorve(n) uutgenome(n) de bossche die/ de selve getuge(n) in alle(n) hue(re)n thoenisse(n) en(de) dragen(e) uutname(n)
//
seggen(de) dat zij d(air) af niet en wiste(n) Thoende voirt met/ twe getuge(n) dat de voirs(creven) jan en(de) lodewijc gort waren/ de naeste gebuerte des voirs(creven) lod(ewijcx) huers brued(er)s die/ sond(er) wettige oir gestorve(n) ware en(de) vande(n) voirs(creven) goede(n)/ uutgenome(n) de bossche Also dat de scepen(en) va(n)/ loeven(en) sette(n) de sake ind(er) stad hande(n) En(de) na dat de/ raet vand(er) stad de sake ov(er) gcome genome(n) heeft/ met alle tgene des inde(n) rechte gehandelt was get(er)mineert/ heeft voir reden(en) en(de) recht dat de vors(creven) vrancke py(n)noc/ met sij(n)re gued(inge) voirs(creven) aen de voirs(creven) goede v(er)doelt wa(r)e/ Actu(m) et det(erm)i(n)atu(m) in pleno co(n)silio iiii[ta] die dece(m)bris