Van claese de smet gehete(n) vande(n) panhuyse/ Item het sijn comen inden rechte voir meye(r) ende scepen(en) van loeven(en) claes de/ smet geheten vanden panhuyse in deen zijde en(de) henrick scotte scepen te meld(er)t/ in dande(re) aldair de voirs(creven) claes den selve(n) henricke aensprach en(de) yesch zeke(re) scepen(en)/ brieve van meldert die hem toebehoirden en(de) onder de voirs(creven) henricke oft den/ scepen(en) van meldert aldair lagen p(rese)nte(re)nde den selve(n) henr(ick) [d(air) af te betale(n) en(de)] te geve(n) alsoe/ vele gelts als men van elken brieve die men hier te loeven(en) voir scepen(en)/ maect sculdich es Daer op de voirs(creven) henrick hem v(er)antwerden(de) seyde/ dat sijn brieve al ghereet en(de) ghemaect wae(re)n die hij voir he(m) en(de) den/ scepen(en) van meldert sijne(n) medegesellen gh(er)ne overgeve(n) woude eve(n)v(er)re/ hij hen trecht daer af dwelc zij tot noch toe gecostumeert hebben/ opleyde en(de) betaelde Van welken gedinge de he(re)n scepen(en) van loeven(en)/ ten uut(er)sten gemaent setten de voirs(creven) sake inder stat hande en(de) tot/ hue(re)r t(er)minatien Naden welken de selve stad de voirs(creven) sake vande(n)/ scepen(en) overgehadt met goeder deliberatien get(er)mineert heeft dat de/ voirs(creven) scepen(en) van meldert van elken brieve die zij onder hen maken/ niet meer hebben en selen dan viii pl(a)c(ken) en(de) daer mede sal/ elc p(ar)tie die voir hen te doen hebben gestaen Act(um) in pleno/ consilio qui(n)ta februarii a(nn)[o] xliiii