It(em) tvo(n)nisse tusschen janne coulon die geleit es totden goeden/ marien weduwe pet(er)s wilen le staiche in deen zijde/ en(de) janne van waelhain bastart in dande(re) alse vanden/ goeden gebleve(n) na de doot des voirs(creven) wilen pet(er)s de/ welke de voirs(creven) jan van waelhain in so(m)migen deele Te/ weten alrehande have aenveert hadde alsoe de voirs(creven)/ jan coulon seyde Eysschen(de) dair o(m)me die gherestitueert/ te hebben Dair tegen de voirs(creven) jan van waelhain/ alligeerde dat hem de selve goeden bijde(n) voirs(creven) pete(re)n/ in testamente gemaect wa(r)en en(de) voir de wethoude(re)n/ t(er) plaetsen dair die goede wa(r)en en(de) gelegen sijn/ d(air) af hij sijn behoefte van chirog(ra)ffen mids den/ scriven vand(er) stad niet en hadde mogen crigen/ slutende sijn reden(en) dat dbeleit des voirs(creven) jans coulon/ soude berusten tot dat hij de selve chirog(ra)ffen ov(er)/ hadde Was gewijst met desen worden datmen den/ voirs(creven) janne coulon met sijne(n) beleide houde(n) soude/ inde possessie van allen den goede(n) die bleven na/ der doot des voirs(creven) pet(er)s en(de) hen inde selve possessie/ sijnde geliefde dan de(n) voirs(creven) ja(n)ne van waelhain yet/ te volgen dat hij dat dade en(de) met rechte/ p(rese)nt(ibus) pynnoc rijke abs(oloens) witte ov(er)wynge vynck(enbosch)/ lyntre maii xxv