It(em) de p(ro)visore(n) mombore(n) en(de) meest(er)ssen vande(n) grote(n) beghijnhove te loeven(e)/ in p(rese)ncia hebbe(n) genome(n) en(de) bekint dat [sij] genome(n) hebbe(n) van ja(n)ne/ keyenoege woenen(de) te loeven(e) inde proefstrate vi boender lants luttel min/ oft meer gelegen inde p(ro)chie van meldert in alrehande stucken ald(air) gelijc/ jorden jordens van meldert die te houde(n) plach It(em) (½) boender/ en(de) iii viere(n)deel beempts gelege(n) ald(air) in ii stucke(n) gelijc jan/ keyenoge die houdt Te houde(n) te hebben en(de) te wynne(n) va(n)/ half aprille lestleden eene(n) t(er)mijn va(n) xxiiii jare(n) lang deen na/ dander sonder middel volgen(de) elcx jaers d(air)enbinne(n) om xii sacke/ core(n)s meldersche(n) pacht goet en(de) payabel met wa(n)ne en(de) met/ vedere(n) wel bereyt d(er) mate(n) van thiene(n) te sinte andriesmisse/ apostels te betale(n) en(de) te loeven(e) te levere(n) alle jare de(n) voirs(creven)/ t(er)mijn dueren(de) quol(ibet) ass(ecutu)[m] Et de voirs(creven) p(ro)visore(n) (et)c(etera) sele(n) de/ voirs(creven) lande wel en(de) loflijc wynne(n) en(de) werve(n) gelijc reengenote(n)/ ende binne(n) den selve(n) t(er)mijne de voirs(creven) lande inw(er)ve(n) wel ende/ loflijc ov(er)mesten Oec selen de voirs(creven) w p(ro)vissore(n) (et)c(etera) de voirs(creven)/ lande late(n) te(n) uutgane vande(n) voirs(creven) t(er)mijne gelijc hier na/ volcht Dats te wete(n) vii dach(mael) d(air) af met wynter corne/ besaeyt op iiii getidege vore(n) seve(n) dachmael d(air) af met wynter [somer]/ corne besaeyt op ii getidege vore(n) en(de) dand(er) lant brake op/ twe vore(n) omgedaen en(de) de voirs(creven) wynne sal jaerlijcx betale(n)/ allen den tsijs en(de) co(m)mer uut de(n) voirs(creven) goede(n) gaende sonder/ afslach vande(n) voirs(creven) coirne alsoe in tijts dat de(n) voirs(creven)/ ja(n)ne keyenoge d(air) af gheen scade en come Oic sele(n) de/ voirs(creven) wynne p(ro)vis(oren) de(n) voirs(creven) ja(n)ne een verke(n) herde(n)/ huede(n) en(de) vuede(n) gelijc de(n) sijne(n) va(n) halfm(er)te tot/ ons(er) vrouwe(n) dach nativitas abs(oloens) lyntre junii xvii