Het sijn come(n) voir de(n) raide vand(er) stad henric va(n)/ lyere die bij machte van sekere(n) scepen(en) br(ieven) van/ antwerpen herft op tgoet gehete(n) te(n) eynde gelege(n) te tong(er)loe dat lieven wile(n) zoetma(n) toe te behoire(n) plach/ twintich pet(er)s lijftochte(n) staende ter quiti(n)gen in deen zijde/ en(de) jan van lynde(n) als ma(n) en(de) mo(m)boir jouff(rouwe) ka(tli)[ne(n)] va(n)/ outhale(n) sijns wijfs die bij machte va(n) guedinge(n)/ va(n) scepen(en) brieve(n) van loeven(en) van oudere(n) date da(n)/ de voirs(creven) br(ieven) va(n) antwerpe(n) heeft op de/ selve goede vijftich oude crone(n) tsjaers erflike(n)/ rente(n) [na inhout van zijnen brieve(n)] voir gebrec van betalinge(n) welker rente(n)/ de voirs(creven) jan en(de) sijn wijf tvoirs(creven) goet in hande(n)/ hadde(n) ter ande(r) zijde(n) aldair de voirs(creven) henric van/ lyere begherde en(de) versochte dat de voirs(creven) jan vand(er)/ lynde(n) en(de) jouff(rouwe) ka(tli)[ne] rekeni(n)ge dade(n) van tgene/ des zij vande(n) voirs(creven) goede(n) hadde(n) gehave(n) beyde/ vander have(n) op de selve goede gepandt en(de) oec/ vande(n) rente(n) zijd(er) der tijt vander voirs(creven) leveri(n)ge(n) vande(n)/ selve(n) goede(n) gecome(n) Te dien eynde vonde men dat/ de selve jan en(de) jouff(rouwe) ka(tli)[ne] van huere(n) acht(er)stelle/ gebrec hadde(n) dat hij hen dat oplegge(n) en(de)/ betale(n) mochte na den ov(er)drage en(de) goetduncke(n)/ vand(er) stad op dat hij d(air)enteynde(n) de selve/ goede mochte ... aenveerde(n) en(de) de(n) sijne(n)/ genaken d(air) op de voirs(creven) jan en(de) jouff(rouwe)/ ka(tli)[ne] opdede(n) dat zij om dat ter stont te/ doene met gescriften niet versien en waren
//
en(de) also es op de(n) dach va(n) hede(n) alse dach va(n) rekeni(n)ge(n)/ der voirs(creven) saken vander stad geordin(eer)t come(n) voir de(n) rade/ vander stad de voirs(creven) jan vand(er) lynde(n) ov(er)geven(de) een/ cedulle dienende op de voirs(creven) rekeni(n)ge die hij begh(er)de/ voldaen te hebbe(n) begripende hoe hen op de voirs(creven) goede/ vielen vijftich oude crone(n) op sinte mychiels avont int jaer/ van xxxviii voir gebrec vande(n) welken hij met scepen(en)/ van loeven(en) op de goede getoge(n) hadde d(air) af hij rekende/ uutgegeve(n) te hebben yerste van teringe(n) tarscot lxxxiiii(½)/ boddrage(rs) It(em) tot tongerloe den knechte(n) poirtier ende/ gast werde(n) xii boddr(agers) It(em) van weechghelde/ te westerle iii(½) boddrag(ers) It(em) vande(n) gepande(n)/ beeste(n) te driven tot dieste vi boddr(agers) noch/ voir trecht vand(er) pendinge(n) xiii guld(en) rijnsche/ tstuc te xix stuv(er)s It(em) de(n) clercke(n) te loeven(en)/ voir tregistrere(n) vande(n) sake(n) xii(½) boddr(agers) It(em)/ int jaer xxxix op de(n) voirs(creven) dach viele(n) der voirs(creven)/ jouff(rouwe) wed(er)o(m)me vijftich crone(n) voir de welke zij/ wed(er)o(m)me toech op de goede mette(n) rechte va(n)/ loeven(en) en(de) voe(r) de(n) t(er)mijn vande(n) jare xl aldair/ zij pande en(de) hue(r) oec tot dien de(n) gront in hande(n)/ werdt gesedt d(air) o(m)me zij uutgaf yerst va(n)/ coste tarscot lx boddrag(ers) It(em) tot herssele/ xlv boddr(agers) It(em) van scape(n) en(de) iiii rindere(n)/ te dieste te hale(n) en(de) te loeven(en) te drive(n) xviii stuv(er)s/ It(em) van ii wagen(en) die de have tot loeven(en) vuerde(n)
//
xxxii stuv(er)s It(em) eene(n) ande(re)n wage(n) die oec tgoet/ vuerde eene(n) rijd(er) It(em) van coste de(n) wage(n)luden/ vii(½) stuv(ers) It(em) des he(re)n knape(n) te loeven(en) iii boddr(agers)/ It(em) noch van coste gegeve(n) doeme(n) tgoet te/ loeven(en) v(er)cochte [vacat] xxvii st(uvers) ii pl(a)c(ken)/ It(em) voir trecht vander pandinge(n) xiii r(ijnsch) guld(en)/ tstuc te xix stuv(er)s It(em) vanden scapen en(de) hore(n)veede/ te houden eer zij v(er)cocht worde(n) lx boddrag(ers)/ It(em) noch uutgeg(even) te loeven(en) van [vacat] xxxi st(uvers)/ It(em) den meye(r) en(de) scepen(en) va(n) tong(er)loe voir hue(r) recht/ va(n) dat tgoet de(n) laet met rechte uutgegeve(n) w(er)dt/ xx stuv(er)s It(em) noch tot to(n)gerloe va(n) [vacat]/ vii stuv(er)s noch va(n) coste vande(n) beeste(n) uut geleet/ inde herberge eene(n) pet(er) It(em) gegeve(n) te loeven(en)/ van pont assizen xiiii stuv(er)s welke coste voir/ bescreve(n) tsame(n) gedragen xlix pet(er)s iiii(½) boddrage(rs)/ en(de) een half pl(a)c(ke) Overgeven(de) voirt de voirs(creven)/ jan vand(er) lynde(n) inder selver cedulle(n) datme(n) he(m)/ sculdich ware te v(er)nuege(n) van seven t(er)mijne(n) elcx/ jaers vijftich crone(n) make(n) iiii[c] lxvi pet(er)s xii stuv(er)s/ Tot desen yesch de voirs(creven) jan alrehande coste(n)/ bij he(m) en(de) sijnre huysvrouwe(n) met huere(n) familie/ gedaen int vervolge(n) van des(er) sake tot loeven(en)/ tot he(re)ntals en(de) elswair gedaen Cleerde voirts/ de voirs(creven) jan dat de voirs(creven) goede uutgegeven/ waren elcx jaers om nege(n)tich pet(er)s tstuc te xviii
//
stuv(er)s d(air) af hij van vijf t(er)mijne(n) en(de) jare(n) gevalle(n) voir dese(n)/ dach gehave(n) hadde lx pet(er)s maken binne(n) de(n) selven/ v jaren iii[c] pet(er)s en(de) ts(ur)plus vande(n) uutgeve(n) te wete(n)/ xxx pet(er)s tsjaers hadde de wy(n)ne bekeert int betale(n)/ van vi sesse oude crone(n) die ja(n)nes ympens gehete(n)/ int pat(er) noster op de voirs(creven) goede hadde en(de) ande(re)n/ chijnse(n) en(de) co(m)mere(n) d(air) uut gaende It(em) noch kinde/ de selve jan geg gehave(n) te hebbe(n) op sijn voirs(creven)/ gebrec des hier nae volcht Te weten nege(n)tich/ gul(den) tstuc te thien stuv(er)s voir de vercochte beeste(n)/ It(em) vande(n) scapen xxx gelijker guld(en) It(em)/ van p(er)den xviii pet(er)s It(em) vand(er) have(n) tot loeven(en)/ v(er)cocht bij den voirs(creven) lieven en(de) andere(n) p(er)sone(n) va(n)/ wege(n) d(er) voirs(creven) jouff(rouwe) ka(tli)[ne(n)] xli rijd(er)s vii pl(a)c(ken)/ welke p(ar)tien neest voirs(creven) tsame(n) gedrage(n) hond(er)t/ xxxix pet(er)s xxv pl(a)c(ken) ende aldus blijct/ bij des voirs(creven) es dat de voirs(creven) henr(ic) van lyere/ den voirs(creven) janne van lynden sculd(ich) soude sijn/ op te leggen lxxvi pet(er)s xx(½) pl(a)c(ken) die he(m)/ bove(n) sijn ontfanc van sijne(n) rente(n) en(de) v(er)leggen(e)/ gebreke(n) sonder den cost van janne en(de) jouff(rouwe)/ ka(tli)[ne(n)] voirs(creven) die hem bij de(n) raide ve welke/ voirs(creven) so(m)me(n) de voirs(creven) jan begh(er)de te hebben/dair jege(n) p(rese)nteren(de) tot dien de selve jan/ op dat de voirs(creven) p(ar)tie(n) va(n) der voirs(creven) rekeni(n)ge(n)
//
niet behoirlijc gedaen en ware(n) dat hij die alt(oos) gh(er)ne/ woude noch doen ende betale(n) tgene des hij te vele/ soude hebbe(n) gehave(n) eve(n) v(er)re me(n) he(m) woude oplegge(n)/ desme(n) soude bevijnde(n) he(m) gebreken(de) Dair jegen/ de voirs(creven) henr(ic) va(n) lyere dede allegere(n) met/ eenre cedullen dat hij inder sake(n) en(de) handelinge(n)/ voirs(creven) niet voirder bewinde(n) en woude dan alleene/ de(n) voirs(creven) janne v(er)nuege(n) van sijne(n) gebreke van/ de(n) rinte(n) mette(n) coste vand(er) pandinge(n) ter ordinan(cien)/ vand(er) stad [om also de goede in sijne(n) hande(n) te gecrige(n) tot dat hij van sijnen vors(creven) renten vernuecht soude wesen mette(n) coste die hij d(air) om uutleide en(de) voirtane lijden soude] aengesien dat de voirs(creven) lieven een/ wettich kindt hadde acht(er)gelate(n) dat cortelij(n)cs/ verdaecht soude wese(n) dien de sake meer/ aenghinge te besorgen dan hem Also dat na dese(n)/ de raet vand(er) stad aengehoirt de volcome(n) gele/ gentheit van des voirs(creven) es get(er)mineert heeft/ inde(n) yerste(n) dat de voirs(creven) jan en(de) jouff(rouwe) ka(tli)[ne]/ vande(n) coste(n) die zij selve rekene(n) in huere(n) p(er)sone(n)/ in theri(n)gen gedaen te hebben niet en sulle(n) hebbe(n)/ en(de) dat de voirs(creven) henr(ic) d(air) af sal ongehoude(n) zijn/ Item alse vanden iii p(ar)tien van verlegge gedragen(de)/ tsame(n) lxvi st(uvers) ii pl(a)c(ken) dat die inde(n) wissel/ selen blive(n) staende tot dat de voirs(creven) jan en(de)/ jouff(rouwe) ka(tli)[ne] d(air) af meer cleernisse(n) selen hebben/ gedaen tot wat orbore en(de) aen wien die/ uutgegeve(n) zijn Item alse vande(n) voirs(creven) xxx/ pet(er)s voirs(creven) elcx jaers die jan de voirs(creven) goede/ meer uutgegeve(n) heeft dan hij rekent gehave(n) te/ hebbe(n) dat de selve jan gehoude(n) sal sijn cleernisse(n)
//
en(de) bewijs te doene aen wien die va(n) co(m)me(r) oft/ chijnse oft elswaer d(air)t behoirde bekeert zijn En(de)/ alse van den andere(n) gebreke des voirs(creven) jans gedragen(de)/ lxxvi pet(er)s xx(½) pl(a)c(ken) min lxx lxvi stuv(er)s en(de) ii pl(a)c(ken)/ die de voirs(creven) henr(ic) inde(n) wissel gesedt heeft es/ duytsprake vand(er) stad dat de voirs(creven) henr(ic) d(air) af/ den voirs(creven) ja(n)ne soude genoech doen en(de) d(air)enteynde(n)/ dwelc hij dede t(er) stont en(de) in gereede(n) pe(n)ni(n)gen En(de)/ mids desen soude de selve jan sijn hande lichte(n)/ vande(n) voirs(creven) goeden en(de) die late(n) volge(n) den/ voirs(creven) henr(icke) om sijn gebrec voirs(creven) d(air) ane te/ behalen Behoud(en) de(n) voirs(creven) henr(ic) [janne] en(de) sijne(n) wive/ huere(n) rechte d vande(n) rinte(n) die hen van nu/ voirtane valle(n) selen Actu(m) in pleno co(n)silio ap(ri)lis s(e)c(un)da