Tvo(n)nisse vanden gedinge tussce(n) jacoppe(n) uute(n) lyemi(n)gen die na de(n) rechte/ vand(er) stad gegoet en(de) gearft es in sekere goede en(de) ond(er) den ande(e)n/ int hoff gelege(n) te glabbeke mette(n) h(er)licheiden d(air) toe behoiren(de) de/ welke toetebehoire(n) plage(n) jouffr(ouwe) jehanne(n) va(n) waenrode in deen/ sijde en(de) janne wijtvliet in dande(re) alse vand(er) heerlicheit va(n)/ pontgelde dwelc de voirs(creven) jacop meynde te hebben aen en(de) va(n)/ eene(n) huyse en(de) hove gelege(n) inde p(ro)chie van boensbeke ter stad/ geheten te pamele tusscen henr(icx) bachuys op ii siden de strate/ ald(air) ter derder sijde(n) en(de) kat(li)[ne(n)] vrancx op de vierde zijde/ Mids seke(re)n chijse die de voirs(creven) jacop d(air) aen hadde d(air) af de/ voirs(creven) jan wijtvliet meynde de contrarie bij dien dat hij/ en(de) nyema(n)t and(er)s als mo(m)boir sijns wijfs vanden voirs(creven) goede(n)/ gronthe(re) ware en(de) den grontchijs d(air) af hadde In welke(n) gedinge/ elc vande(n) voirs(creven) p(ar)tien thoenisse inleyde en(de) ond(er) de(n) ande(re)n/ p(rese)nteerde de voirs(creven) jan te thoenen dat h zijn vordere(n) voir en(de)/ hij na en(de) nyema(n)t and(er)s van over xxx jare en(de) dage/ op tvoirs(creven) goet den grontchijs en(de) de heerlich(eit) gehadt hadden/ alse huer erfheerlicheyt en(de) dat hij en(de) nyema(n)t and(er)s dien/ noch d(air) aen hadde p(rese)nteren(de) d(air) op sijn behoudt na den rechte/ vand(er) stad was gewijst met desen worde(n) na aensp(ra)ke v(er)antw(er)de(n)/ en(de) thoenisse van beyde(n) p(ar)tien dade de voirs(creven) jan wijtvliet sijn/ behout also hij gep(rese)nteert hadde en(de) als recht dat he(m) sijn/ herlich(eit) volge(n) soude Na de(n) welke(n) de(n) voirs(creven) jacoppe dach/ besceide(n) w(er)t tot o(m)me dbehoudt aen te hoere(n) Tot welke(n)/ dage de voirs(creven) jan sijn hande op de heylige(n) leggen(de) en(de) sijne(n)/ stave(n) volgende seg zwoer dat hij van den voirs(creven) goede(n)/ tussce(n) de reengenoete(n) genoempt sijn voirsete(n) voe(r) en(de) hij/ als mo(m)boir sijns wijfs na de heerlicheit dair af te wete(n)/ goede(n) en(de) ontgoeden en(de) de pontpe(n)ni(n)ge alst gebuerde en(de)/ nyema(n)t and(er)s gehadt en(de) gehave(n) hadde(n) ov(er) xxx jaer/ dage en(de) d(air) bove(n) alse hue(r) en(de) sijne wettige eygen heerlicheit/ en(de) dat ic [hij] die houden(de) ben [es] van m(ijn) gened(ichen) he(re) in eyge(n)do(m)me/ als mo(m)boir sijns wijfs en(de) dat es noch sijn eyge(n) h(er)lich(eit) soe/ moete my [hem] god hulpe(n) en(de) de heylige(n) en(de) d(air) na swoere(n)/ ii wettige ma(n)ne te(n) heylige(n) dat dien eedt die de voirs(creven) jan/ wijtvliet ald(air) gedaen hadde goet ende gerechtich ware en(de)/ o(n)meyneeth so moeste hen god hulpe(n) rijke abs(oloens) witte ov(er)wy(n)ge/ vynck(enbosch) nove(m)bris xxvi