Het sijn come(n) te rechte inde banc voir meye(r) en(de) scepen(en) va(n) loeven(en)/ jan ty(m)m(er)man verwe(r) die na den rechte der stad van loeven(en) geleidt/ es tot de(n) goeden jans gheerams en(de) arndts gehete(n) gel gheroncx/ gebruedere(n) en(de) alite(n) melijs docht(er) wout(er)s wile(n) melijs also v(er)re/ die goede come(n) sijn en(de) bleve(n) na de doot h(er)mans wile(n) gheroncx/ brued(er) d(er) voirs(creven) gebruede(re)n in deen zijde en(de) woute(re)n van laethe(m) die/ geleit es met scepen(en) br(ieven) van loeven(en) tot de(n) goede(n) h(er)mans wile(n)/ gheroncx in dande(re) ald(air) de voirs(creven) jan ty(m)m(er)man aensprac/ de goede hier ond(er) bescreve(n) in tvo(n)nisse van des(er) selver saken/ staende sept(embris) xix voirs(creven) seggende dat de voirs(creven) wille(n)/ h(er)man gheroncx voirtijde(n) ontscaect hadde juete(n) ghijsels docht(er)/ jans wile(n) ghijsels en(de) dat d(air) na met co(n)sente vande(n) vriende(n)/ tussce(n) de(n) voirs(creven) h(er)ma(n) en(de) juete(n) een huwelijc getracteert/ werdt ofte zij aflivich worde sond(er) wettich oer vande(n) voirs(creven)/ h(er)ma(n)ne te hebbe(n) dat dan na de doet vande(n) leste(n) van/ huer(er) beyd(er) doot de stocgoede vand(er) voirs(creven) juete(n) gaen soude/ ter zijde(n) d(air) sij af come(n) ware en(de) oft zij e(n)nige te same(n) gecrege(n)/ dat die na huerer beid(er) doot gaen soude(n) op beyde(n) zijde(n)/ Ende dat den huwelijc op de vorw(er)de toe ghinc en(de)/ oft des niet en hadde moege(n) gescien dat dan de(n) huwelijc
//
soude acht(er) gebleve(n) hebbe(n) Seyde voirt dat recht ware inde ba(n)cke/ van herssele en(de) van westerle d(air) de goede gelege(n) sijn wa(n)neer/ man ende wijf goede te same(n) v(er)crege(n) dat dan tvierdel d(air) af met/ die yerst sterft ewech gaet en(de) dat de lanxste levende dan de/ iii deele tsijnre tocht behoudt sijne(n) leefdach lang Seyde voirt/ de selve jan ty(m)m(er)ma(n) dat ardt jan gheeram h(er)ma(n) voirs(creven) [ende] lijsbet/ wilen gheerams d(air) af de voirs(creven) alijt wettige docht(er) ware ware(n)/ wettige suste(r) en(de) bruede(r) van vad(er) en(de) moed(er) Seggen(de) voirt/ dat de voirs(creven) juete aflivich worde(n) ware des in palmdage/ naestcomen(de) sijn soude twee jaer en(de) dat de voirs(creven) wile(n) h(er)ma(n)/ uut den goeden gestorve(n) ware als uut sijne(n) erve en(de) dat/ juete die bleef besitten(de) als een tochtersse en(de) dat sij d(air) uut/ starf als uut huerre tocht en(de) dat zij tsame(n) gheen wettige/ gebuerte acht(er) gelate(n) en hadde Tot desen seyde de voirs(creven) jan/ voirt dat der bancke(n) recht ware dat de stocgoede comen(de)/ vander sijde(n) va(n) man ocht wijf die yerst sterft mette(n) doode(n) ter/ stont half wech gaen ter zijde(n) d(air) die af come(n) sijn en(de) soe/ wa(n)neer een tochtersse huwelijc doet dat nochta(n) na/ huer doot alsulke(n) goede alse sij i houden(de) es ter stont gaen/ d(air) die sculdich sijn te gaen Seggen(de) noch de voirs(creven) jan/ dat de voirs(creven) jan gheeram gheert en(de) aleydt sijn va(n)/ wettige(n) bedde die naeste leve(n)de vande(n) voirs(creven) goede(n) also/ v(er)re die na de(n) vors(creven) h(er)ma(n)ne ware(n) gebleve(n) En(de)/ dese poente(n) boot de voirs(creven) jan te thoene(n) en(de) mette(n)/ my(n)ste(n) (et)c(etera) hoepte d(air) o(m)me dat he(m) en(de) sijne(n) beleyde/ de voirs(creven) goede volge(n) soude Dair op de voirs(creven)/ woute(r) he(m) v(er)antw(er)den(de) dede segge(n) hopen(de) dat de voirs(creven)/ jan aen de voirs(creven) goede v(er)doelt ware bij reden(en) wa(n)t/ de(n) scoutbrief die de voirs(creven) h(er)man hadde bekindt en(de) d(air) uut/ dat de voirs(creven) wout(er) geleidt ware gedaen wae(re) in gehele(n)/ stoele sitten(de) in wettige(n) huwelijke met juete(n) ghijsels/ Seggen(de) voirt dat de voirs(creven) huwelijke vorw(er)de hem gheen/ p(re)judijs drage(n) en soude al eist soe dat de(n) huwelijc met/ der vorw(er)de(n) voirs(creven) voe(r) dbekin gesciede aengesien dat
//
de voirs(creven) goede bij de(n) vors(creven) h(er)ma(n)ne wile(n) worde(n) v(er)crege(n)/ na de vorw(er)de vande(n) voirs(creven) huwelijke en(de) in geheele(n)/ stoele en(de) dat nyema(n)t goede verbinde(n) en conde die noch/ onv(er)crege(n) ware(n) Seyde voirt dat man en(de) wijf die goede/ tsame(n) v(er)crege(n) hadde(n) wel macht hadde(n) ter plaetsen d(air)/ de voirs(creven) goede gelege(n) sijn de selve alst hen geliefde/ te derve(n) en(de) de vors(creven) pointe boot hij te thoene(n) en(de)/ mette(n) mynste(n) (et)c(etera) hoepte d(air) o(m)me dat de vors(creven) wile(n)/ h(er)ma(n) de voirs(creven) goede bij machte vande(n) vors(creven) bekinne na/ der stad rechte van loeven(en) gederft hadde dat die sijne(n)/ beleyde soude(n) volge(n) Seyde voirt de voirs(creven) woute(r)/ al w(ar)t so dat de voirs(creven) kinde(re) gheerams midts e(n)nige(n)/ redene(n) inde vors(creven) goede gericht mochte(n) wese(n) soe/ hadde(n) zij uutgenome(n) de een van hen hoe wale des/ nochta(n) na de(n) rechte niet en behoefde d(air) vo(r)e pe(n)ni(n)ge/ gehave(n) en(de) bekint dat zij d(air) af v(er)nuecht ware(n) dwelc/ de voirs(creven) wout(er) oec boot te thoene(n) Welke pe(n)ni(n)ge de/ selve kinde(re) gehave(n) hadde(n) van janne van wynxele/ en(de) dat de selve jan en(de) sijn wijf weduwe des/ voirs(creven) wile(n) h(er)mans de selve goede besete(n) hadde(n)/ als erfliede en(de) dat zij hen met so(m)mige(n) van dien/ hadde(n) beholpe(n) en(de) dat de wethoudere(n) vande(n) vors(creven)/ bancke(n) van herssele en(de) west(er)le d(air) ond(er) de vors(creven) goede/ gelege(n) ware(n) hen trecht hadde(n) gedaen Noch seide/ de voirs(creven) wout(er) dat de voirs(creven) jan van wynxele/ en(de) sijn wijf de voirs(creven) goeden besete(n) hadde(n) alse huer/ hoerbri(n)ge(n) goede en(de) soe wa(n)neer yemant alsoe/ goede besate en(de) sijns h(oer)bringe(n)s volquame dat/ hij d(air) inne sculdich ware te blive(n) dwelc de voirs(creven)/ wout(er) oec boot te thoene(n) p(rese)nteren(de) en(de) ov(er)geven(de)/ de voirs(creven) woute(r) te(n) ut(er)sten o(m)me eene(n) yegelijke(n) te/ hebben tgene des hij na de(n) lantrechte en(de) d(er) bancke(n)/ rechte d(air) die gelege(n) sijn sculdich es te hebben/ dat hij oft sijn p(ar)tie also v(er)re alst de(n) scepen(en)
//
geliefde getroest ware(n) te come(n) inde(n) hof met meer ande(re)/ poente(n) en(de) redene(n) die [die] de vors(creven) wout(er) meer opdoen mochte/ hoepte hij dat he(m) en(de) sijne(n) beleyde de vors(creven) goede volge(n)/ soude(n) oft dat de sake soude w(or)de(n) geremitteert inde(n) hoff/ des geliefde hem wel trecht Op dwelc de voirs(creven)/ scepen(en) gemaent wijsde(n) beide de p(ar)tien te hoe(re)n bethoene/ Ten dage van thoene(n) thoende de vors(creven) ja(n) ty(m)m(er)ma(n) inden/ yersten en(de) voir al droech ardt ghijsels op sijne(n) eedt/ dat hij aen de sake van dese(n) gedinge en wonne nocht/ en verlore nocht in gheene(n) toecomen(de) tide(n) wy(n)ne(n) noch/ v(er)liesen en soude Dair na thoende de voirs(creven) ja(n) ty(m)m(er)ma(n)/ mette(n) vors(creven) arnde en(de) iii ande(re) manne(n) dat ardt ja(n) ghera(m)/ h(er)ma(n) en(de) lijsbeth gherams ware(n) van getrude(n) bedde va(n)/ vad(er) en(de) moeder wettige suste(r) en(de) bruede(r) Item thoende/ de voirs(creven) jan tymerma(n)s mette(n) selve(n) goede(n) ma(n)ne(n) dat h(er)ma(n) gheroncx/ een wettich wijf hadde gehete(n) juete ghijsels welc juete wettige docht(er)/ was jans wilen ghijsels de welke hij ontscaecte en(de) d(air)na waert met/ consente van huere(n) vriende(n) tussce(n) den voirs(creven) h(er)ma(n)ne en(de) juete(n) een/ huwelijc getracteert met alsulker vorw(er)de(n) oft de voirs(creven) juete/ aflivich worde sond(er) wettige oer vande(n) voirs(creven) h(er)ma(n)ne te hebbe(n)/ dat dan na huerre beyd(er) doot de stocgoede d(er) voirs(creven) juete(n) gaen/ soude(n) ter zijde(n) w(er)t dair die af come(n) ware(n) en(de) oft zij tsame(n)/ e(n)nige goede v(er)crege(n) dat dan die na hue(re)r beyder doot half/ en(de) half gaen soude(n) dair die sculdich ware(n) te gaen(e) Op/ welke vorw(er)de doen ter tijt de(n) voirs(creven) huwelijc voirtganc/ hadde en(de) na state d(er) heilig(er) kerke(n) vergad(er)den en(de) oft des/ niet en hadde moege(n) gescien oft voirtganc hebbe(n) dat dan/ de huwelijc acht(er) gebleve(n) soude hebbe(n) en(de) dat de(n) huwelijc/ gesciede lange en(de) voir eer de(n) bekenbrief gemaect was/ Thoende noch de voirs(creven) jan ty(m)m(er)mans me iiii scepen(en) va(n)/ herssele en(de) iiii scepen(en) va(n) west(er)le dat d(er) bancke(n) recht ware/ d(air) de goede gelege(n) sijn d(air) o(m)me dat tgedinge nu es soe/ wa(n)neer man en(de) wijf e(n)nige goede te same(n) v(er)crige(n)/ dat tvierde(n)deel d(air) af mette(n) ghene(n) die yerst sterft ewech/ gaet ende dat die lanxst leeft dand(er) dre drie deele
//
van dien goede(n) tot sijnre tocht behoudt en(de) besidt also lange/ als hij leeft Voirt thoende de selve jan mette(n) iiii goede(n)/ ma(n)ne(n) voirs(creven) dat de voirs(creven) juete aflivich ware worde(n) des/ te palmdage naestcomen(de) sijn soude(n) ii jare en(de) dat de voirs(creven)/ h(er)man uut de(n) voirs(creven) goede(n) starf als uut sijne(n) erve en(de)/ d(air) na de voirs(creven) juete als uut huerre tocht Noch thoende/ de voirs(creven) jan ty(m)m(er)ma(n) mette(n) voirs(creven) viii scepen(en) dat de/ stocgoede die vand(er) zijde(n) die yerst sterft come(n) mette(n)/ doode(n) half ter stont ewech gaen ter zijde(n) w(er)t d(air) die/ af come(n) sijn en(de) soe wa(n)neer een tochtersse huwelijc/ doet dat dan na de doot van huer ter stont alsulke/ goede alse die tocht(er)sse houden(de) es gaen t(er) zijde(n) w(er)t dair/ die sculdich sijn te gane Dair na thoende de/ voirs(creven) wout(er) de poente(n) hier onder bescr(even) Inde(n) yersten/ droege(n) iii goede ma(n)ne(n) dat sij janne en(de) arnde gheroncx/ hadden hore(n) kinne(n) en(de) lijde(n) dat de kij(n)de(re) gheroncx v(er)nuecht/ ware(n) en(de) uutgecocht vand(er) v(er)storffenisse(n) die hen toecome(n)/ mochte van h(er)ma(n)ne wile(n) gheroncx huere(n) brued(er) met/ hond(er)t mottoene die elc d(air) af hadde uutgenome(n) een/ vande(n) kijnde(re)n Hier na kinde de vors(creven) ja(n) ty(m)m(er)mans/ dat de voirs(creven) ja(n) van wyncxele getrout hadde jueten/ die wijf was h(er)mans wile(n) gheroncx Hier na droege(n)/ iiii scepen(en) van herssele en(de) iiii scepen(en) van west(er)le dat zij/ hielden voir huerre bancke(n) recht soe wa(n)neer yema(n)t e(n)nige/ goede gecrege en(de) besate als zijn erve en(de) dair af sijn/ heerbringe(n) bij leyde en(de) een ande(re) die goede woude scoere(n)/ met rechte leggende d(air) toe waerheit oft thoenisse dat/ dan die besittere in die goede sculdich ware te blive(n) also v(er)re/ hij sijn heerbringe(n) d(air) op dade na der bancke(n) recht En(de)/ al w(ar)t soe dat yemant d(air) jege(n) waerheit bij leyde en(de)/ die volquame dat nochta(n) jege(n) dat thoenisse theerbringe(n)/ sculdich ware voir te gane dan va(n) zekere(n) poente(n) d(air)/ toe dienen(de) d(air)mede datme(n) th(eer)bringe(n) schoere(n) mochte Cleerde(n)/ voirt de selve(n) scepen(en) dat dmeeste deel vanden goeden/ ond(er) hue(re) banck gelege(n) met h(eer)bringe(n) besete(n) worde(n) en(de) datme(n)/ van oude(n) tide(n) ald(air) weynich brieve plach te make(n) en(de) noch
//
ter tijt niet vele welc h(eer)bringe(n) gesciede en(de) sculdich ware te gescien/ in deser vuege(n) te weten dat de besitte(r) knielen(de) en(de) leggen(de) ii vynge(re)/ opte heylige(n) ende zwere dat de goede ald(air) geroemt tussce(n)/ huer reengenoete ware(n) sijn heerbracht goede gelijc sijne(n) andere(n) goede(n)/ soe moete he(m) god hulpe(n) Dair na zwere(n) ii goede wettige/ ma(n)ne(n) die onp(ar)tijlec sijn dat dien eedt goet gerechtich en(de) o(n)meynedich/ es soe moete(n) my god hulpe(n) (et)c(etera)/ Tuychde(n) voirt ii getuge dat de voirs(creven) jan van winxle en(de) sijn wijf/ de voirs(creven) goede besete(n) hadde(n) altijt als erfliede en(de) dat de voirs(creven) jan/ die noch also besete(n) hadde tot nu onlanx dat ardt ghijselele ghisels/ en(de) nu dese p(ar)tien questie d(air) af maken Dair na druege(n) de voirs(creven)/ scepen(en) dat zij den voirs(creven) janne en(de) sijne(n) wive van so(m)mige(n) vande(n) voirs(creven)/ goede(n) alse zijs begheert hadde(n) als erfliede trecht gedaen hadden/ Droech voirt een vande(n) selve(n) scepen(en) dat hij voirmaels drossete/ vande(n) lande van westerle sijnde tpontgelt vande(n) vors(creven) goede(n) ontfaen/ hadde uut derve(n) ende afgaen des voirs(creven) jans en(de) sijns wijfs/ Voirt dede de voirs(creven) wouter blijken met seke(re) scepen(en) brieve(n) van loeven(en)/ dat ardt gheroncx die met de(n) andere(n) den voirs(creven) janne ty(m)m(er)ma(n)/ den scoutbrief bekindt hadde selve in sijne(n) p(er)soen ov(er)gegeve(n) hadde/ woute(re)n van laethe(m) den scoub scoutbrief die de voirs(creven) herma(n)/ gheeroncx he(m) hadde bekindt en(de) d(air) na de(n) beleitbrief d(air)mede/ dat wout(er) voirs(creven) geleidt es tot alle den goede(n) des voirs(creven) wile(n) h(er)ma(n)s/ Tuychde(n) oec de voirs(creven) scepen(en) dat de voirs(creven) goede ware(n) gelege(n)/ so(m)mige ond(er) de banc va(n) west(er)le en(de) so(m)mige ond(er) de banc/ van herssele Was gewijst met desen woirden na aensprake/ verantwerden ende oic thoenisse van beyden p(ar)tien dat de scepen(en)/ van loeven(en) setten beyde de p(ar)tien inden hof d(air) de goede/ liggen recht te neme(n) ende g te gheve(n) p(rese)ntib(us) py(n)noc/ rijke witte ov(er)wynge vyy vynck(enbosch) lyntre iunior dec(embris) x