It(em) want goert ve(re)nkerelden die voir meye(r) en(de) scepen(en) van/ loven(e) gegoedt en(de) gheerft es van janne lonijs die mids/ macht van scepen(en) brieve(n) van loven(e) hem bekent van/ heywigen vanden keernen docht(er) goerts wilen vanden keernen/ van thiene(n) geleit was tot den goede(n) d(er) voirs(creven) heylwigen/ ond(er) den ande(re)n in een huys ende hof metten bog(ar)de/ en(de) ande(re)n sijne(n) toebehoirten gelegen te weve(r) tusschen de/ goede(n) h(er)mans wilen van pamele en(de) de goede(n) aelbrechts/ switten gaende acht(er)w(er)t totden beemde des voirs(creven) wilen h(er)mans/ van pamele Op den dach van hede(n) hadde doen inscrive(n)/ arnde van daelhem die hem aen de voirs(creven) goede(n) ongebruyc/ pijnde te make(n) Tot welken dage de voirs(creven) arnt/ int recht niet en comp(ar)eerde Soe eist dat de/ scepen(en) van loven(e) t(er) manissen smeyers gewijst hebbe(n)/ voir een vo(n)nisse dat men den voirs(creven) goerde vand(en)/ goeden voirs(creven) houde(n) soude inde macht van sijnre/ guedingen alsoe v(er)re dat noch voir scepen(en) comen wa(r)e/ p(rese)nt(ibus) rijke abs(oloens) witte ov(er)wynge vynck(enbosch) lynt(er) iu(n)ior/ junii xii