van arnde bau/ Tvo(n)nisse van [tusschen] arnde bau geheten proefst van mechlen die met/ scepen(en) brieve(n) van loven(en) comen en(de) gegoedt is in seke(re) goeden/ die wae(re)n goessens vand(er) schue(re)n te puersse en(de) d(aer) omtrent/ gelegen in deen zijde ende gielise vanden roeven van puersse/ in dande(re) alse vande(n) selve(n) goeden dair aen de voirs(creven) gielisen/ nard(er)scap meynde te hebben mids seke(re)n vorderingen die hij d(aer) op/ inden hof d(aer) onder die gelegen sijn gedaen hadde Ende/ zund(er)lingen bij dien dat de voirs(creven) arnt bau de voirs(creven) goeden/ na den coep hadde doen voir gebieden na d(er) bancken recht/ dair tegen de voirs(creven) arnt alligeerde hopende want/ inder comentscap tusschen hem en(de) den voirs(creven) goessen vand(er)
//
schue(re)n geschiet vorwerde was dat hij hem tot allen/ plaetsen het wae(re) voe(r) hof en(de) he(re) voir trecht te loven(en)/ oft te bruess(el) dairt den selven arnde gelieven soude guedinge/ doen soude Ende hij dan sijn vestich(eit) uut scepen(en) brieve(n)/ van loven(en) vanden voirs(creven) goeden genomen hadde soe hoepte/ hij dair inne te bliven Was gewijst met desen worden/ na aensprake v(er)antw(er)den en(de) thonisse van beyden p(ar)tien/ dat de voirs(creven) gielijs met sijnre nad(er)scap aen de/ voirs(creven) goede verdoelt ware en(de) dat die den/ voirg(enoemde) arnde en(de) sijnre guedingen volgen souden/ p(rese)nt(ibus) rijke witte ov(er)wynge vynck(enbosch) lynthre/ iunior julii xxviii