It(em) brueder symoen van bekenrode ende brueder pet(er) moens conv(er)se scloest(er)s/van meeghden dale bij oplynte(re) in yegewoirdich(eit) der scepen(en) van/lov(en) gestaen hebbe(n) gegeve(n) en(de) bekent dat zij gegeve(n) hebbe(n) als ghe /mechtich vande(n) voirs(creven) cloeste(re) inde(n) name en(de) van wegen [en(de) als gemechticht van meeghdale] de selfs cloest(er)s/willem(me) le mariscal van ev(er)naz de goede hier na bescreve(n) toebeh(oerende)/wericken van chasteal totte(n) welken tvoirs(creven) cloest(er) come(n) en(de) beleidt es/ tott met scepen(en) brieve(n) van loven(en) alsoe verre die bynne(n) den ban/van ha(n)nut p oft dair omtrent gelegen zijn Inde(n) yersten xxii/roeden lands gelege(n) op tvelt gehete(n) champenot tusscen de goede/scloest(er)s van sinte laureys te ludic [op beiden zijden] Ite(m) xii roeden lands gelegen ald(aer)/neve(n) de schaveye gehete(n) van sinte jacops tusscen de selve schaveye en(de)/de goede(n) h(er)mans van ha(n)nut en(de) naeste(n) goeden der kinde(re)n m(er)tens/wijlen van hallez Ite(m) viii roede(n) lands gelege(n) op tvelt van ha(n)nut/tusscen de goede des voirs(creven) h(er)mans van ha(n)nut en(de) jorijs van crehain/Ite(m) xi roeden lands gelege(n) op tvelt th gehete(n) van savenirez/ter plaetsen gehete(n) bochetcheal tussce(n) den goede(n) scloest(er)s van lynte(re)/en(de) willems le mariscal voirs(creven) Ite(m) xxiii roeden lands van die(n)/ii boende(re)n en(de) l dach(mael) lands gelege(n) op tvelt gaende van ha(n)nut/te bertreiz [weert] neve(n) tpedeken aldair tusscen de goede(n) sjonche(re)n van coursworm/en(de) h(er) wille(m)s van halley ridders Te houde(n) te hebbe(n) en(de) te wynne(n)/van half m(er)te lestleden ene(n) t(er)mijn van thien [neghen] jae(ren) lange deen na/dande(re) staphans sonder middel volgende elx jairs dae(re)n bynne(n) o(m)me/en(de) voe(r) een so(m)me van pe(n)ningen dair af de voirs(creven) bruede(re)n inden/name vande(n) voirs(creven) cloeste(re) hen hielde(n) voe(r) content en(de) wael betaelt/Behoudelic dat de voirs(creven) wy(n)ne de voirs(creven) lande jairlix wel ende/loflic wynne(n) en(de) werve(n) sal [op hue(re) getidege voe(re)n] en(de) mesten gelijc reengenote(n)/bove(n)en(de) benede(n) [It(em) es vorw(er)de dat de voirs(creven) wy(n)ne te(n) yerste(n) oechste na sine(n) voirs(creven) t(er)mine te vruchte(n) va(n) den voirs(creven) xi en(de) xxiii roeden la(n)ts gelijc die voe(r) iii ii stucken sijn bescr(even) te he(m)w(er)t trecke(n) sal geheelijc en(de) al en(de) sijn p(ro)fijt d(aer) mede moege(n) doen sond(er) yema(n)ts wederseggen] lomb(ar)t py(n)noc m(ar)tii xxiii