Cond zij allen lieden dat henric lodewijcx sone gordts wilen/ lodewijcx van meerhout es come(n) in jeg(enwoirdicheit) d(er) scepen(en) van loeven(e)/ en(de) heeft genome(n) en(de) bekint dat hij genome(n) heeft van bruede(re)n/ symoene van boekenrode en(de) pete(re)n moens co(n)v(er)se des cloest(er)s/ van meechdendale bij lyntre als gemechticht in desen van m(ijn)/ vrouwe(n) d(er) abdissen en(de) co(n)vente des selfs cloesters thof va(n) m(eer)hout/ den selve(n) cloeste(re) toebeh(oirende) mette(n) lande(n) beemde(n) chijnse(n) pontgelde en(de)/ andere(n) pachte(n) en(de) d(aer) af sal de voirs(creven) wynne betale(n) alle de/ chijnse en(de) pachte(n) die de voirs(creven) goede sculdich sijn en(de) de/theen thiende(n) vande(n) wijde(n) velde gelijc datse d(aer) toebehoirt/ en(de) alle de cleyne thiende(n) die m(ijn) vrouwen voirs(creven) toebeh(oiren) binne(n)/ den dorpe van m(eer)hout Te houde(n) te hebbe(n) en(de) te wy(n)ne(n) van/ s(in)te jansmisse bap(tis)[te(n)] lestleden eene(n) t(er)mijn va(n) ix jare(n) lang/ deen na dand(er) d(aer) na stappans volgende Elcx jaers d(aer)enbi(n)ne(n)/ alle de voirs(creven) goede om c lxxv scilde d(er) mu(n)te(n) wile(n)/ h(er)toge(n) ph(ilip)s h(er)toge va(n) braba(n)t en(de) greve va(n) s(in)tpol va(n)/ goude goet en(de) geve oft de w(er)de d(aer) af alsoe sij van hande/ te hande gaen selen half te kersavonde en(de) half te s(in)t/ jans(misse) bap(tis)[te(n)] te betalen En(de) d(aer) toe om xxiii oude grote jaerlijcx/ te kers(misse) te betale(n) alle jare de(n) voirs(creven) t(er)mijn dueren(de) q(uo)l(ibet) ass(ecutu)[m]/ Voirt sal de voirs(creven) wy(n)ne bove(n) de voirs(creven) so(m)me jaerlijcx/ betale(n) de(n) p(er)soen van m(eer)hout x(½) m(ud)[de] rocx en(de) x(½)/ m(ud)[de] evene(n) alsoet m(ijn) vrouwe voirs(creven) sculd(ich) es It(em) hij sal jaerlijx/ int cloester levere(n) te lynte(r) lx ganse en(de) x steene vlas It(em)/ sal hij geve(n) jaerlijcx de(n) honde(n) m(ijns) gened(ichs) he(re)n ts(er)toge(n) va(n)/ braba(n)t xv r(ijnsch) guld(en) en(de) ov(er) ii jaer altoes houde(n) ii welpe(n)/ It(em) sal de voirs(creven) wy(n)ne ontfaen de gaste(n) ons gened(ichs) he(re)n/ voirs(creven) gelijc datse tvoirs(creven) hof sculd(ich) es tontfane en(de) soe/ waer van dien ontfane oft van quader feesteringe(n) e(n)nige/ scade gesciede de(n) voirs(creven) cloeste(r) oft hue(ren) ande(re)n hove(n) dat/ soude de voirs(creven) wy(n)ne oprichte(n) En(de) desgel(ijcx) soude(n) me(n) de/ voirs(creven) wy(n)ne wed(er)o(m)me doen quame lye(n) e(n)nige scade van/ quader feesteringe(n) vande(n) voirs(creven) cloeste(r) oft va(n) huere(n) ande(re)n/ hove It(em) en sal de voirs(creven) wy(n)ne gheen opgaende hout
//
aenverde(n) moege(n) noch houde(n) noch tru(n)cke(n) maer alle de gheerde wassen/ sal hij alt(oos) houde(n) te(n) behoirlike(n) tide(n) en(de) die spruyte(n) vreden/ It(em) sal de wy(n)ne jaerlijcx ontfaen m(ijn) vrouwe(n) der abdysse(n) voirs(creven)/ als zij d(aer) comt na huere(n) staet Behoud(elijc) dat zij bringe(n) sal broot/ en(de) wijn en(de) de ghene die m(ijn) vrouwe (daer) seynde(n) sal sal hij/ oec ontfaen op sijne(n) cost Voirt sal de voirs(creven) wy(n)ne jaerlijcx/ int hof vuere(n) alle de coirne die vande(n) voirs(creven) goede(n) come(n)/ selen en(de) tstroe d(aer) af te walme(re) en(de) te meste beke(re)n bij/ rade des brued(er)s die d(aer) sijn sal It(em) sal de selve wy(n)ne/ zijne(n) t(er)mijn duerende de voirs(creven) goede(n) huysinge grachte/ alt(oes) houde(n) in goede(n) state en(de) te(n) eynde van sijne(n) voirs(creven)/ t(er)mijne de voirs(creven) goede late(n) alsoe hij se vinde(n) sal te zijne(n)/ income(n) Ende w(aer)t alsoe dat de(n) voirs(creven) hove e(n)nige ty(m)meri(n)ge/ gebrake d(aer) af soude m(ijn) vrouwe thout en(de) dyser leve(re)n en(de)/ de(n) wercliede(n) de dachuere(n) betale(n) en(de) de wy(n)ne soude hen/ de(n) mo(n)cost geve(n) dats te weten va(n) oude(n) wercke en(de)/ niet va(n) nuwe(n) It(em) w(aer)t dat m(ijn) vrouwe voirs(creven) woude/ doen decken met nuwe(n) dake meer dan de wy(n)ne stroes/ hadde binne(n) de(n) hove so soude m(ijn) vrouwe voirs(creven) tstroe/ coepe(n) en(de) de(n) decke(re) loone(n) en(de) de wy(n)ne soude hem/ diene(n) en(de) de(n) cost geve(n) Voirt meer va(n) orloge hagelslage/ te(m)peeste en(de) van ande(re)n ongewoenlike(n) coste(n) sal m(ijn) vrouwe/ voirs(creven) hue(re)n wy(n)ne doen na usagien d(er) kercke(n) va(n) ludic/ It(em) w(aer)t alsoe dat int voirs(creven) hof e(n)nich v(er)sueme(n) geviele/ van brande vande(n) voirs(creven) wy(n)ne oft va(n) sijne(n) bode(n) dat/ soude hij m(ijn) vrouwe(n) voirs(creven) oprichte(n) It(em) sal de voirs(creven) wy(n)ne/ noch geve(n) jaerlijcx sijne(n) t(er)mijn duerende m(ijn) vrouwe(n)/ voirs(creven) xii hamele die hij te meye hue(r) leve(re)n sal goet/ uut sijne(n) cudde It(em) de(n) selve(n) wy(n)ne sal jaerl(ijx) h afgaen/ iii dach(mael) voertte(n) die hebbe(n) sal de wy(n)ne vanden/ leemputte Voirt meer dit sijn de beeste(n) die m(ijn) vrouwe/ voirs(creven) opt voirs(creven) hof gelaten heeft en(de) die sij de(n) voirs(creven)/ t(er)mijn de(n) voirs(creven) wy(n)ne geleent heeft en(de) die hij
//
hue(r) moet leve(re)n te(n) eynde van sijne(n) t(er)mijne alsoe goet als/ zij hier na getaxeert zijn inde(n) yerste(n) vi p(er)de getaxeert/ op xxii guld(en) drie oude scilde voir iiii guld(en) gerekent/ It(em) xii coeye getaxeert op xlviii guld(en) It(em) vii cl(eyne)/ calvere getax(eert) op iiii guld(en) It(em) een paer ossen en(de) een/ paer stiere getax(eert) op xxii guild(en) guld(en) It(em) v/ hoet ledich veets getax(eert) op viii guld(en) It(em) ii[c]/ en(de) xii hoet scape getax(eert) op xcvi guld(en) It(em)/ lxviii la(m)me(re) getax(eert) op xii guld(en) It(em) i soch met/ cuddene getax(eert) op ii guld(en) It(em) voirt zijn getax(eert)/ iii wagene i wage(n) getouwe tot v p(er)den en(de) dand(er)/ wage(n) getouwe tot iiii ossen al ysere(n) en(de) de(n) derde(n)/ wagen sonder getouwe It(em) iii pluege en(de) ii eechden/ met alle(n) de(n) toebeh(oirten) van zeelen getax(eert) op xii/ guld(en) It(em) i strijcploech niet getaxeert It(em)/ vii bedden i paer slapelaken ende iii oude/ declakene getax(eert) op xii guld(en) It(em) alle dese goede/ bove(n) bescreve(n) gelev(er)t ende getax(eert) met goede(n) knape(n)/ salme(n) ten lesten jare weder leve(re)n en(de) taxere(n) der voirs(creven)/ vrouwen na prise va(n) goeden cnapen Maer sij sal hebben/ moege(n) kiesen weder sij wilt beesten oft gelt It(em) sal de/ voirs(creven) wynne de aerde vande(n) voirs(creven) lande wel en(de) loflijc/ besaeyt late(n) te zijne(n) uutgane alsoe hijse vindt te sijne(n)/ income(n) sond(er) argelist It(em) noch xxxvi ellen lijnens/ lakens wercken geleent den selven wy(n)ne dwelc/ hij wed(er) geve(n) sal te(n) lesten jare voirtmeer sijn dit/ de ande(re) aenleene die tot den voirs(creven) hove behoire(n)/ en(de) die de wy(n)ne v(er)antw(er)den moet ind(en) yerste(n)/ iii k lake(n) op der knechte(n) tafle It(em) eene(n) hantdoec/ It(em) twee maelsacken nuwe It(em) eene(n) grote(n) cop(er)en/ pot It(em) ii cleyne It(em) eene(n) grote(n) ketel It(em) i/ hantketel It(em) een vischspaen It(em) i wat(er)vat/ It(em) i baertbecken It(em) i groten hael en(de) eene(n) cleyne(n)
//
It(em) i tanghe It(em) i roester i crauwel i hangijser It(em) v scaep/ scheere(n) It(em) iii rieke i scuppe i spade ii mesthake i/ hoeygaffel It(em) i stocaecx i bijl ii halste(re) een quaet/ levervat It(em) iii tijne(n) eemere eemere gebonden met/ ijsere It(em) eene(n) derde(n)deelpot te(n)ne(n) i te(n)ne(n) soutvat i/ boterstande nuwe metter tridelen It(em) i botervat nuwe/ It(em) ii coevate en(de) iii herincvate It(em) iii tijne(n) en(de) iiii/ zaen teylen eerde(n) It(em) ii grote eerdteylen inde keescame(re)/ en(de) alrehande and(er) dinc dat d(aer) toe behoirt It(em) i scotelvat/ met xxii scotele(n) en(de) ix lepele(n) It(em) ii zoutvate hulte(n)/ It(em) i cry crudewagen It(em) i volghe(re) It(em) eene(n) morsel/ steen en(de) een hout It(em) eene(n) goede(n) wan It(em) i goede/ lant(er)ne It(em) een aschvat It(em) ii vetere(n) met ketene(n)/ It(em) een vetere sond(er) ketene It(em) xi slote int hof/ It(em) omtrint een voeder hoys oft eene(n) oude(n) scilt/ d(aer) voe(r) It(em) de scaepcoeye wel gestoffeert tot derdalf/ hond(er)t scapen It(em) ii biercruycken i bekere en(de) iii melcpotte/ En(de) alle dese vorw(er)de(n) etc(etera) Hier af zijn borge(n) ind(ivisim)/ ja(n)nes claus jan en(de) henr(ic) bellema(n)s vand(er) donct gebruede(re)n/ jan bellema(n)s sone henr(ix) wile(n) vand(er) heyde(n) henr(ic) wout(er)/ gheerts sone en(de) henric maes Et p(rimus) ca(pelle)[ma(n)] voshe(m) m(ar)tii xxiii