Item mychael d(i)c(t)us baertmake(r) et jaspar wasschaert scabini de herent in p(rese)ncia scabinor(um) (etcetera)/ testabantur expresse se interfuisse ubi villicus de herent mediantib(us) d(i)c(t)is scabinis de herent/ de mandato vilici lovan(iensis) adduxit theodericu(m) de langrode ad om(n)ia et singula bona/ immobilia et hereditar(ia) will(el)mi vanden eynde et henrici de boenenrode d(i)c(t)i scamp(ar)t sit(a)/ apud herent et in confineis ibidem in mansionibus domibus curtib(us) t(er)ris arabilibus p(ra)t(is)/ pascuis et suis p(er)tinen(tiis) univ(er)sis attinen(tibus) Pro certis promissionibus et condicionibus consc(ri)pt(is)/ in l(itte)ris scabinoru(m) lovan(iensium) quaru(m) tenor sequitur in hec verba Cont zij allen lieden dat jan dillen/ van herent in yegewordicheiden der scepen(en) van loven(en) gestaen heeft genomen en(de) bekent/ dat hij genomen heeft van diericken van j langrode thof des selfs diericx gelegen/ te herent inde belsgenacsche strate met xv boende(re)n lants en(de) iiii(½) dachmale eeusels d(aer)/ toe behoe(re)nde te houden te hebben en(de) te wynnen van half merte naestcomen(de) eenen t(er)mijn/ van xii jae(re)n lanck deen nae dand(er)e sonder middel vervolghende elx jaers dae(re)n/ bynnen te weten(e) de voirs(creven) xv boende(re)n lants elck boender voe(r) twee mudden en(de) vi/ molevaten rox goet en(de) payabel der maten van loven(en) Ende de voirs(creven) eeuselen o(m)me/ viii hollansche gulden(en) tsinte andries messe te betaelen den voirs(creven) diericken alle jae(re)/ den voirs(creven) t(er)mijn du(er)ende en(de) telcken t(er)mijne als vervolghde schout Item is vorwerde/ dat de voirs(creven) jan dilen vanden voirs(creven) goeden betaelen sal drie s(chellinge) iii(½) d(eniere) goets/ ghelts xii cappune(n) dwee [de] twee derdendeele van eene(n) capp(une) xl s(chellinge) payments/ xxx s(chellinge) payements een half molevat raep saets tvierdel van eenen mest/ wagen en(de) x molevaten even(en) ten t(er)mijne(n) als die payen d(aer) af vallen alsoe dat/ dieric en(de) zijn goede d(aer) af ongepraemt [mogen] bliven Item sal de voirs(creven) jan de straten/ ende beken aende voirs(creven) goeden comen(de) en(de) liggen(de) wael ende loflic v(er)maken ende vegen/ ten behoerlijken tijde als dat dieric voirs(creven) ende sijn goede d(aer) af ongescadicht blive Item sal/ de selve jan den voers(creven) diericken alle jae(re) den voirs(creven) termijn duerende viere carweyen doen
//
Ende oft jan indien carweyen des snaghts uut bleve soe sal dieric hem en(de)/ sijnen p(er)den den cost geven oft betaelen Item jan voirs(creven) sal alle jae(re) leve(re)n int voirs(creven)/ hof xxxii mandelen walms om de huysingen d(aer) mede te decken(e) ende d(aer) af/ sal hij den montcost geven ende dieric de dachue(re)n betaelen Item sal de voirscr(even)/ jan viii boende(re)n vanden voirs(creven) lande eens bynnen den voirs(creven) xii jae(re)n over mergelen/ Item oft gebuerde int voirs(creven) hof yet te v(er)maken(e) van ouden wercke d(aer) af sal den/ de voirs(creven) jan den montcost geven en(de) dieric de dachue(re)n betaelen het wae(re) in metsene/ in ty(m)meren in plecken oft in decken(e) Item jan voirs(creven) sal de voirs(creven) huysinge houde(n)/ vander underster rijkelen nederwert Item hier inne is oic ondersproken dat / dieric te hemwert behouden sal de camere met den contore en(de) sijn bewynt/ vanden ...enne? metter schouwen Item sal dieric te hemwert behouden/ tofhuys aldaer houden staende sonder jan daer inne recht te hebben Behoudelic/ dat jan dmest vanden voirs(creven) dofhuyse tot [te] hemwert trecken sal Item sal/ jan voirs(creven) den wijn wassende op een half dachmale wijngaerts gelegen/ opden lossenberghe dyericken thuys vue(re)n en(de) oic staken stake opden selve(n)/ wijng(ar)t voe(re)n Item jan voirs(creven) en sal gheen recht hebben in dopgaende hout/ maer verdroeghde willigen sal hij moegen afhouden ende d(aer) voe(r) setten twee/ poeten van gelijken arde Item sal de voirs(creven) jan ten afscheiden van hem/ de selve goede laten gelijc hij die vant tsijnen aencomen Te weten(e) vier/ boende(re)n ende drie dachmalen met rogge besaeyt en(de) v(½) boender/ gestort en(de) iii(½) dachmale boender brake wel en(de) loflic gelijc sijne(n)/ rengenoeten bove(n) ende beneden Item de voirs(creven) jan en sal ten lesten jae(r)/ drie jae(re)n niet meer mogen oervruchten dan elx van dien drie jae(re)n/ een boender Hier af sijn borgen [des voirs(creven) jans] als prinscipael sculde(re)n ongesondert/ en(de) ov(er)scheyden ende elc voe(r) al willem vanden eynde ende henric/ van boenenrode geheten scamp(ar)t Welcke borgen de voirs(creven) jan heeft/ geloeft scadeloes en(de) costeloes tontheffen(e) Hier wae(re)n over jacop uuten/ lyemi(n)ghen en(de) andries van voshem scepen(en) te loven(en) gegeve(n) int jaer/ ons he(re)n duysent vierhondert drieen(de)veertich vierentwintich dage/ in februario in quo que(m)admod(um) et habet que(re)las h(iis) int(er)f(uerunt)/ ov(er)wynghe lyntre m(ar)tii aprilis vi[a]/