Het sijn comen te rechte inde banc voe(r) meye(r) en(de) scepen(en) van loven(e)/ jonch(e)r h(er)man van wittham die met scepen(en) brieven van loven(e) steet in alle/ den goeden die wae(re)n jans wilen de bussche(re) des jongen in deen zijde ende/ b(ar)tholomeeus vander bubbetten soen wilen b(er)trans in dande(r) aldair de voirs(creven)/ jonch(e)r h(er)man sijn voirs(creven) brieve inden rechte dede lesen beghe(re)nde dair/ inne gehouden te worden alse van ii stucken lants houden(de) omtrent van/ v dachmael luttel min oft meer gelegen te wave(r) onder de banc van/ uccle tusschen de goeden [vacat]/[vacat] aen de welke de voirs(creven) b(er)tholomeeus hem ongebruyc/ dede Na desen sprac de selve b(ar)tholomeeus met sijne(n) gelev(er)den voirspreke/ de voirs(creven) goeden aen en(de) seyde dat wair wae(re) dat de voirs(creven) wilen b(er)tran/ sijn vader de voirs(creven) goede(n) besadt en(de) dair uut starf als uut sijne(n) p(ro)pe(re)n erve en(de) dat hij een e(n)nich en(de) wettich sone wae(r) des voirs(creven) b(er)trans/ en(de) dat hij ter dier tijt doen sijn voirs(creven) vader aflivich w(er)t zee(r) jonck/ was en(de) onmu(n)dich Seggende voirts al woude de voirs(creven) jonch(e)r/ h(er)man allige(re)n oft doen seggen dat een geheten jouffr(ouw) katlijne/ vanden reiwe op de voirs(creven) goeden hadde alrehande recht te/ weten den sevensten scoef en(de) dat zij voir gebrec van dien de/ voirs(creven) goede(n) uutgewonnen hadde inden hof dair die gelegen/ sijn soe wairt nochtan der bancken recht ald(aer) soe wa(n)neer/ dat e(n)nige goede alsoe uutgewonnen worden dat derfgenamen/ oft de maeghelingen van dien comen mogen en(de) lossen de selve/ goede(n) tallen tiden alst hen gelieft met coste en(de) co(m)mer ende/ dat de ghene die alsulke goeden uutgewonnen heeft den erfgename(n)/ vanden selve(n) goeden en(de) vruchten die d(aer) op sijn gewassen rekeni(n)ge/ en(de) bewise(n)nisse doen moet welke rekeni(n)ge de voirs(creven) b(er)tholomeeus/ vanden voirs(creven) jonch(e)r h(er)ma(n)ne begheerde te hebben en(de) bevonde/ men dae(re)n teynden dat hij te cort wae(r) vande(n) voirs(creven) sevensten scoef/ soe woude hij dat den selven jonch(e)r h(er)ma(n)ne oprichten ende/ oft dair overde dat begheerde de selve b(er)tholomeeus metten/ gronde vanden voirs(creven) goeden weder te hebben Seyde oic de/ voirg(enoemde) b(ar)tholomeeus dat doen de voirs(creven) goeden uutgewonnen wae(re)n met/ vruchten besaeyt stonden en(de) dat duutwynnen geschiede inde banc sond(er)/ dat de meye(r) oft scepen(en) ald(aer) op derve ghingen welke poenten voirg(eruert)/ de voirs(creven) b(ar)tholomeeus boet te thoenen en(de) metten minsten te volstaen etc(etera)/ / hopen(de) wair hij die poenten gethoenen conste dat hem de voirs(creven) goede(n)/ volgen souden en(de) des geliefde hem wale der he(re)n vo(n)nisse dair/ op de voirs(creven) jonch(e)r h(er)man hem met sijne(n) gelev(er)den voirspreke v(er)ant/ werdende dede seggen dat hem die aensprake gheen onstade doen en/ soude en(de) dat hij in sijnen scepen(en) brieven voirs(creven) sculdich wae(r) te bliven/ aengesien dat de voirs(creven) b(ar)tholomeeus ne(m)mermeer thonen en soude tghene/ des hij hem in sijnre aenspraken v(er)meten hadde Mair het wair wae(r)/ dat de voirs(creven) jouffr(ouw) katlijne gelijc de voirs(creven) b(ar)tholomeeus in sijnre aensprake(n)/ gekint heeft de voirs(creven) goeden voe(r) hue(re)n sevensten scoef na des hoefs/ recht dair de selve sijn gelegen uutgewonnen hadde en(de) dat zij dair/ toe huer behoudt dede en(de) dat wel volqua(m) na der banken recht/ en(de) dat zij die dair na beseten heeft en(de) dair uut gestorven is/ alse uut hue(re)n erve en(de) alsoe wae(re)n sij bleven en(de) v(er)storven op den/ wettigen wive jans wilen de bussche(re) die een e(n)nige docht(er) was der/ voirs(creven) jouffr(ouwe) katlijne(n) en(de) dat de selve wilen jan eenen soen hadde/ geheten jan de bussche(re) de jonge de welke jan den voirscr(even)/ scepen(en) brief van loven(e) bekent hadde en(de) dat dese poenten/ wair wae(re)n boet de voirs(creven) jonch(e)r h(er)man te bewijzen ende/ metten minsten te mogen volstaene Hoepen(de) en(de) meyne(n)de/ wair hij die gethoenen conste dat hij vanden voirs(creven) goede(n) bliven/ soude in sijn scepen(en) br(ieve) voirs(creven) en(de) des geliefde hem wael/ tvo(n)nisse soe dat de he(re)n scepen(en) van loven(e) de voirscr(even)/ p(ar)tien ter manissen smeyers gewijst hebben tot hue(re)n thonissen/ Alsoe dat ten dage van thoenen de voirs(creven) b(ar)tholomeeus thoende/ inden yersten met tween goeden ma(n)nen dat hij wettich soen was/ des voirs(creven) wilen b(er)trans en(de) dat zijn vader noc de voirs(creven) goeden besadt/[en(de) deen claerde] alse sijn p(ro)per erve en(de) dair uut starf alse uut sijnen erve en(de)/ dat de voirs(creven) b(ar)tholomeeus zee(r) jonc en(de) onmu(n)dich was ter tijt/ alse zijn vader voirs(creven) aflivich w(er)t thoende voirts met scepen(en) vande(n)/ hove dat de voirs(creven) goeden van inde o(m)me sond(er) dair op te gane/ uutgewonnen wae(re)n en(de) dat soe wie [die] nu e(n)nige goeden [ald(aer)] uutwynnen/ wille op derve gaen moet thoende oic met [eene(n)] goede(n) man dat/ tvoirs(creven) goet ter tijt alst uutgewonnen was met somer en(de) wynter/ vrucht besayet stont en(de) dande(r) poenten in sijnre aenspraken/ voirs(creven) geruert en volqua(m) de voirs(creven) b(er)tholomeeus niet/ / ende de voirs(creven) jonch(e)r h(er)man thoende alle tghene des hij/ hem in sijne(n) v(er)antwerden voirs(creven) v(er)meten hadde ende dair/ toe [thoende de selve jonch(e)r h(er)man met scepen(en) vande(n) hove] dat t(er) dier tijt doen de voirs(creven) goeden uutgewonnen wae(re)n/doen der banc recht was en(de) voir recht hielden datme(n)/ die uutwynne(n) mochte van in die banc sond(er) op derve/ te gaene Mair de selve getuygen clairden dat hen/ van hue(re)n hoede namaels and(er)s geleert was mids den/ welken de voirs(creven) jonch(e)r [h(er)man] meynde dat hij wael gethoent/ hadde en(de) bliven soude inde voirs(creven) goeden en(de) des geliefde/ hem wael tvo(n)nisse Alsoe dat ten uut(er)sten de he(re)n/ scepen(en) van loven(e) ter manissen smeyers gewijst/ hebben voir een vo(n)nisse dat men den voirscr(even)/ jonch(e)r h(er)ma(n)ne vande(n) voirs(creven) goede(n) houde(n) sal inde/ macht van sijne(n) voirs(creven) brieve(n) alsoe v(er)re dat voir/ scepen(en) comen es p(rese)ntib(us) rijke kersmake(re) abs(oloens) roelofs/ ov(er)wynge lyntre pryke(re) sept(embris) decima