Alse vande(n) stoote opv(er)staen tusschen de he(re)n vande(n) cap(it)le van sinte b(er)thelmeus/ van ludick in deen zijde jan van tilhou van recourt die der selver cap(it)le/ wynne geweest es van hue(re)n goede(n) te geest gelegen van sint jans misse/ va(n) inganc m(er)te int jair xiiii[c] xxxix lestleden gelijc scepen(en) brieve(n)/ van loven(en) dat uutwijzen in dande(r) ende jane rosseal van gheest/ des voirs(creven) wynne(n) borge vande(n) goede(n) voirs(creven) inde derde zijde sijn/ de voirs(creven) p(ar)tien uut huers selfs ov(er)geve(n) ende consente bij middele vande(n)/ borg(er)meester vander stad eens werde(n) en(de) ov(er)come(n) des hier na volght/ Inde(n) yersten heeft geconsenteert de voirs(creven) jan van tilhou bij (con)sente/ der voirs(creven) he(re)n den voirs(creven) ja(n)ne rosseal taenverden(e) de voirs(creven) goede(n) van nu voertaen den voirs(creven) t(er)mijn due(re)nde die uutgaen sal te half/ m(er)te en(de) tsente jans misse xiiii[c] li te houde(n) en(de) die te hebben/ op alle laste ende vuegen hij die tegen de voirs(creven) he(re)n genome(n) heeft/ alsoe dat de selve jan rosseal de voirs(creven) he(re)n sal cuelen en(de) voldoen/ van des hen voertaen vallen sal alsoe dat de voirs(creven) jan van tilhou/ dair af eegheen scade en come ende ende mids die(n) te hemw(er)t/ hebben alle trecht dat de voirs(creven) jan van tilhou aen de voirs(creven) goeden/ hadde alsoe verre de scepen(en) brieve(n) van loven(en) voirs(creven) dat begrijpe(n)/ ende om dat de voirs(creven) jan van tilhou den voirs(creven) he(re)n vand(er) cap(it)len/ sculdich es in reste omtrent hondert rinsche gulden(en) ter goeder/ rekeni(n)gen vande(n) t(er)mi(n)e van ene(n) jae(r) lestlede(n) die de voirs(creven) jan/ rosseal sal moete(n) cuele(n) te wete(n) deen helcht d(aer) af tinganc/ oeghst naestcomen(de) ende dande(r) helcht ten ingane vande(n) t(er)mi(n)e/ voirs(creven) Soe es vorwerde dat de selve jan en(de) jan dair af in beide(n)/ zijden neme(n) selen goede ma(n)ne van g in gelijken getale hen des/ verstaende ter plaetsen dair die goede gelege(n) zijn die de voirs(creven) goede/ en(de) sund(er)linge de vruchten die de voirs(creven) jan van tilhou besayt heeft/ visente(re)n sullen o(m)me volcomelic te wete(n) wes de selve jan van/ tilhou dair op meer mach hebben gedaen dan alsoe de voirs(creven) jan/ van tilhou die aenveerde ende de selve jan rosseal die ten afsceide(n)/ sculdich sal sijn te late(n) ende van desmen bevint dat de voirs(creven)/ vruchte(n) meer gedrage(n) oft beter zijn dan den pacht van enen/ jae(r) die de voirs(creven) jan van tilhou tsint a(n)dries misse(n) naestcomen(de) den/ voirs(creven) he(re)n dair af sculdich hadde geweest te gheve(n) oft hij op/ tgoet d(er) voirs(creven) cap(it)len wae(re) bleve(n) dat sal den voirs(creven) ja(n)ne rosseal/ volgen ter taxacie(n) vande(n) voirs(creven) goede(n) ma(n)ne op de scout voirs(creven)
//
van vijftich gulden vande(n) voirs(creven) hondert gulden ende oft de selve vruchte(n)/ bove(n) den pacht voirs(creven) dat niet en verstringden sal de voirs(creven) jan van tilhou ter/ taxacie(n) vanden voirs(creven) goeden ma(n)nen dair af den voirs(creven) janne rosseal betale(n)/ in beesten oft ande(re)n haeflijken goeden die den selve(n) janne rosseal aenstaen/ selen en(de) tot der voirs(creven) pachtingen behoeve(n) moegen ende oft bij den/ voirs(creven) goeden ma(n)nen bevonden worde dat de voirs(creven) jan van tilhou op de voirs(creven)/ goede nu ter tijt meer gedaen heeft dan alsoe de voirs(creven) jan rosseal die/ sculd(ich) sal sijn te laten dat sal den selve(n) janne van tilhou te baten come(n)/ inde betalinge vande(n) gebreke vande(n) ande(re)n vijftich gulden rinsche der voirs(creven)/ hondert dieme(n) ten voirs(creven) uutgane betalen ende voirtaen sal de voirs(creven) jan/ van tilhou den voirs(creven) janne rosseal lossen van des de selve jan van tilhou/ den voirs(creven) he(re)n van outs belanc mach wezen nae uutwijzen der brieve/ dair af zijnde ende oic vande(n) voirs(creven) vijftich gulden eve(n)verre die meer/ gedragen dan de voirs(creven) jan van tilhou op de voirs(creven) goeden te veel gedaen/ hadde Item alse vande(n) coste vande(n) beleide dat de voirs(creven) cap(it)le gedaen/ heeft op de goede des voirs(creven) jans rosseal sal de voirs(creven) jan van tilhou/ ongehoude(n) zijn mids die(n) dat tselve beleidt den voirs(creven) janne rosseal te staden/ compt inde(n) name van vesticheiden vander pechtingen der voirs(creven) goeden/ die de selve jan rosseal van mu nuwes ingenome(n) heeft ende alse/ vande(n) costen die de voirs(creven) jan van tilhou gedaen heeft inde vroente/ te gheest [en(de) te loven(en)] en(de) van dat hij te loven(en) inbracht was met ande(re)n brieve(n)/ richte(re)n ende boden loon ende alse vande(n) costen gedaen int raste(re)n ende/ hueden vande(n) goeden des voirs(creven) jans rosseal om dat die buyten lants/ niet gevuert en souden werden dair af sal de selve jan van tilhou/ ongehoude(n) sijn ende alse vande(n) beemden voirs(creven) die de voirs(creven) jan van/ tilhou insdeels nu ter tijt selve ontvrucht heeft ende in so(m)mege vande(n)/ deele verhuert es vorwerde dat hij den voirs(creven) janne rosseal dair/ af vestich(eit) doen sal alsoe dat hij den voirs(creven) he(re)n alse den t(er)mijn valt/ dair af cuelen mach ende sonder sijne(n) last behoudelic oec altijt/ in desen de brieve der voirs(creven) he(re)n opte voirs(creven) pachtinge gemaect in/ hue(re)r macht ende alle donckerheiden die hier inne meer/ gevallen mochten te bliven ende te staen ter t(er)mi(n)acien vander/ stad rijke ov(er)winge julii s(e)c(un)da