Tvo(n)nisse tusscen gielijze van kessele in deen zijde ende janne/ de scrijnmake(re) gehete(n) vander to(m)men in dande(r) alse van twe rijd(er)s/ en(de) ene(n) rinsche gulden die de voirs(creven) giel(ijs) den voirs(creven) janne/ van euselhue(re)n sculdich en(de) eyscende was begeerde dair o(m)me/ de selve gielijs vande(n) voirs(creven) janne betalinge te hebbben oft bewize/ nisse(n) van betalinge dair op de voirs(creven) jan allige(re)nde seide dat/ hij hem niet sculdich en wae(r) mair wair hij alsoe koene dat/ hijt torste swe(re)n [dat hij hem yet sculdich wae(r)] hij soude hem betale(n) was gewijst met desen/ woirde(n) dat jan voirs(creven) den voirs(creven) gielize van des voirs(creven) es v(er)nuege(n)/ sal na den eedt die hij dair af inde(n) rechte en(de) na dov(er)gheven/ des voirs(creven) jans gedaen heeft p(rese)nt(ibus) rijke kersmake(re) abs(oloens) roel(ofs) ov(er)winge/ lynt(re) iunior pryke(re) junii ultima/