Van ja(n)ne mathijs en(de)/ janne van werchte(r)/ Item voe(r) meye(r) ende scepen(en) van loven(en) inde banc aldair sprack aen/ jan mathijs van quaderebbe janne van werchte(r) wonen(de) ter bueken/ seggende dat de selve jan van werchte(r) voe(r) tijts jegen hem genome(n)/ hadde ten erve voe(r) xii molevate(n) rox tsjairs die de selve jan math(ijs)/ bove(n) she(re)n chijs dair aen behoude(n) soude een zijn huys ende hoff/ met der toebehoirte(n) ter bueken gelegen neve(n) de goede henrix/ va(n) nijpe van welke(n) erfpachte de selve jan van werchte(r) hem/ geloeft hadde tonderpande te setten(e) twe dach(mael) lands tot der voirs(creven)/ bueken gelegen begeerde d(aer) o(m)me dat de selve jan die(n) navolgen(de)/ hem voldade hij wae(re) al bereet hem guedinge ende vestich(eit) de te/ doen(e) seide oic al hadde de voirs(creven) jan van werchte(r) tvoirs(creven) huys/ en(de) hoff ene(n) tijt beseten soe en hadde hij tot der gued(inge) ende/ vestich(eit) vande(n) voirs(creven) ja(n)ne van werchte(r) niet conne(n) geraken al hadde/ hij altoes van des hij behoefde te doen(e) bereet geweest dair op/ de selve jan van werchte(r) hem v(er)antwerden(de) dede seggen dat gheen/ guedinge die de voirs(creven) jan math(ijs) hem mochte doen niet genoech/ zijn en soude allene want hij een wettige suste(r) alnoh alnoch/ leven(de) hadde die gelijc hem inde voirs(creven) goede gericht was/ ende p(rese)nteerde d(aer) o(m)me eve(n)verre de voirs(creven) jan math(ijs) he(m) genoech/ dade dat hij bereet wae(re) hem vol te doen(e) vand(er) come(n)scap/ op dwelc de selve jan math(ijs) alligeerde dat inde(n) hove dair/ dese goede hoefden ende onder tvo(n)nisse van ludicke geen/ sust(er) deylingen en lagen oic hadde de voirs(creven) jan van w(er)chte(r)/ geruert van ene(n) testame(n)te dair de voirs(creven) suster mede v(er)sien/ soude zijn geweest mair dat seide de voirs(creven) jan mathijs
//
/ datme(n) niet van gheenre werden bevi(n)den en soude ende p(rese)nteerde/ goedinge na [der] vinders vande(n) hove goetduncken ende alsoe was/ ten uutersten ter manissen smeyers gewijst bijden he(re)n scepen(en) van/ loven(en) voe(r) een vo(n)nisse dat de voirs(creven) jan mathijs den voirs(creven)/ ja(n)ne van werchte(r) goede guedinge en(de) vestich(eit) doen soude en(de)/ alsdan soude hem de selve jan van werchte(r) voldoen na inhoudt/ vand(er) coeme(n)scap ende gelijc hij inden rechte gekent hadde/ p(rese)nt(ibus) pynnoc milite abs(oloens) willem(air) hortbeke m(ar)tii vi[ta]