SAL7342, Act: R°386.1 (575 of 650)
Search Act
previous | next
Act R°386.1  
Act
Date: 1448-05-11

Transcription

2020-04-25 by Pieter Soetewey
Vande(n) stoete opv(er)staen tussce(n) mathijse mychiels in deen zijde/
en(de) janne bruelman als man en(de) momboir yde(n) zijns wijfs weduwe(n)/
denijs wile(n) willem(me) in dande(re) alse van alrehande gebreke(n) va(n)/
scepen(en) br(ieven) va(n) loeven(e) en(de) and(er)s des zij deen tot de(n) ande(re)n/
te segge(n) hebbe(n) hebbe(n) hen de selve p(ar)tie(n) van de(n) selve(n)/
stote en(de) alle(n) sake(n) die sij malcande(re)n eysschen(de) moege(n) zijn/
tot de(n) dage toe va(n) hede(n) gekeert in segge(re)n te/
wete(n) de voirs(creven) mathijs in jasp(er) abs(oloens) en(de) arde va(n) vyncke(n)b(osch)/
en(de) de voirs(creven) jan en(de) zijn wijf in woute(re)n [arnde] vande(n) hove meye(r) tsjonch(er)/
van bout(er)she(m) en(de) ja(n)ne ouderogge in alsulker vuege(n) dat elc/
va(n) hen sijn gebrec in gescrifte ov(er)geve(n) sal des and(er)s/
segge(re)n [binne(n) viii dage(n)] en(de) d(aer) op zij in beyde(n) zijde(n) v(er)antw(er)de(n) sele(n)/
binne(n) viii d(agen) d(aer) na dat gedaen sele(n) de segg(er)s ofts/
he(n) noot dunct waerh(eit) aenhoire(n) het zij va(n) br(ieven) oft getuge(n)/
en(de) hue(re) uutsp(ra)ke d(aer) op doen binne(n) viii d(agen) d(aer) na op dat zijs/
eens zijn en(de) oft zijs niet v(er)lijke(n) en co(n)ne(n) sele(n) zij binne(n)/
de(n) selve(n) tijde eendrachtichl(ijc) neme(n) eene(n) ov(er)ma(n) de welke/
zijn uutspr(ra)ke vande(n) gescille sal doen oft he(n) gelieft oft/
te(n) ut(er)ste(n) d(aer) af halen voir mey de(n) raide vand(er) stad/
oft voir scepen(en) va(n) loeven(e) dwelc va(n) dien ii hem gelieve(n)/
sal t(erm)inacie oft vo(n)nisse en(de) oft e(n)nige(n) p(ar)tien segge(re)n/
gebrake dat zij in die stad ande(re) sele(n) moege(n) neme(n)/
p(ro)mitt(entes) ratu(m) wynge willem(air) maii xi[a]
ContributorsLieve Van Hoestenberghe
Moderated byLieve Van Hoestenberghe
Last update: 2015-08-21 by Agata Dierick