It(em) de voirs(creven) m(er)ten en(de) magriete hebbe(n) gelooft de(n) voirs(creven) ja(n)ne/ nouwens eve(n) v(er)re men bevonde dat e(n)nige goede den voirs(creven) ja(n)ne/ nouwens voir sijn porcie ov(er)gegeve(n) ond(er)pandt ware(n) voir i beempt/ touthev(er)le gelege(n) de(n) welke(n)[vacat] dat zij alle(n) alsulken last als de(n) selve(n) ja(n)ne en(de) sijne(n) goede(n) toe/ come(n) oft d(aer) af aenvallen mochte(n) in gelike(n) delen te wete(n) te iii/ porceelen drage(n) en(de) ghelde(n) selen en(de) de(n) voirs(creven) janne restitueren/ van allen dien ter taxacie(n) en(de) estimacie(n) va(n) goede(n) ma(n)ne(n) die hen/ des v(er)staende d(aer) toe genome(n) soude(n) worden en(de) telke(n) tide als dat/ geboire(n) soude moege(n) oft alsme(n) wettelijc bevonde hoe v(er)re en(de)/ ter waerheit dat de goede des voirs(creven) jans d(aer) voe(r) gelast ware(n)/ alse schout mette(n) rechte v(er)reyct en(de) also vele alt(ijt) d(aer) toe te/ doene dat de(n) voirs(creven) ja(n)ne nouwens en(de) sijne(n) nacomelinge(n) ter ontlastinge(n)/ va(n) sijne(n) voirs(creven) goede(n) bove(n) sijn advenant va(n) sijns selfs aengedeelte/ te wete(n) de(n) eene(n) derde(n) deele vast en(de) seker sal moege(n) wesen eisd(em)