Vand(er) aenspraken die jannes van doirne gedaen heeft tot henr(ick)/ van cuyc sijne(n) zwager om d(er) beruerliker goede(n) wille gebleken/ na de doot van mathize wilen van doirne en(de) m(ar)grieten van loe/ wilen sijne(n) wive vad(er) en(de) moed(er) des voirs(creven) ja(n)nes de welke elc/ vand(er) voirs(creven) p(ar)tien meynde dat dande(re) meer dan sijn kinsgedeelte dair af/ hadde gehadt en(de) aenveerdt en(de) alsoe p(rese)nteerden beyde de voirs(creven)/ p(ar)tien te comen inden sterfhuyse te zichen(en) en(de) dair behoirlike(n) eedt/ van alle(n) den voirs(creven) beruerliken goede(n) te doen op dat dan elc hebbe(n)/ mochte dat hij sculd(ich) wae(re) te hebben waert na aensprake ende/ v(er)antwerden van beyden p(ar)tien gewijst voir een vo(n)nisse biden he(re)n sc(epenen)/ van loven(en) dat de voirs(creven) p(ar)tien navolgen(de) der vors(creven) p(rese)ntacien malcand(er)/ voldoen souden p(rese)nt(ibus) pynnoc milite abs(oloens) pynnoc witte hortbeke ja(nuarii) penu(ltima)