Item wout(er) van belanden(en) en(de) jannes vleeschouwe(re) van ned(er)yssche p(ro)mis(eru)nt/ ind(ivisim) janne storze gehete(n) beecman die zijn hof te ned(er)yssche gelege(n) genome(n)/ heeft eene(n) zeke(re)n t(er)mijn tselve hof met sijne(n) toebeh(oirten) costeloes en(de) scadel(oes)/ te houde(n) van alle alsulken co(m)me(r) en(de) chijnse alsme(n) bevinde(n) sal dat d(aer)/ uut ghinc ten tijde als hij tselve hof aenveerde en(de) dat hij also behoirlijc/ v(er)nuege(n) en(de) betale(n) sal dat de(n) voirs(creven) ja(n)ne storze d(aer) af gheen scade/ come(n) en sal et p(ri)m(us) willem(air) hortbeke febr(uarii) iii[a]