It(em) want stoot en(de) tebat opv(er)staen es tusscen lenarde zibbout en(de) stessen/ stas in deen zijde willem(me) gehete(n) peynma(n) alse momboir berthoelen/ zijns wijfs in dande(re) alse vanden twiste ende gevechte tusscen den/ selve(n) stessen en(de) der voirg(enoemde) b(er)thoele(n) gesciet die zij underlinge/ jege(n) malcande(re)n uutstaende hebbe(n) Soe zijn de selve p(ar)tie(n) come(n)/ voe(r) scepen(en) van loven(en) en(de) hebbe(n) hen gesubmittert en(de) v(er)bonde(n)/ va(n) die(n) [gevechte] en(de) van al dien aencleve(n)de in vriendelike(n) effene(re)n/ Te weten de voirs(creven) lenart ende stessen in lodewijke(n) de ride(re)/ gehete(n) peerken en(de) woute(re)n [geens geheten] stas ende de voirs(creven) willem peynma(n)/ in h(er) godscalke van malborch prieste(r) en(de) woute(re)n daneels d(er) stad/ knape van loven(en) in alsulker vuege(n) dat de voirs(creven) effene(re)n hue(r)/ uutsprake vande(n) voirs(creven) stoete doen sulle(n) op heden met [der] sonnen/ Promitten(tes) ratu(m) pynnoc miles hortbeke ap(ri)lis ix