It(em) goird vanden roede geheten van ee(re)nboudegem wonen(de) te holsbeeke in/ yegewoird(icheit) der scepen(en) van loven(e) gestaen heeft genome(n) en(de) bekent dat/ hij genome(n) heeft van janne van roede gehete(n) van ee(re)nboudegem zijnen/ oem thoff des selfs jans gehete(n) den lyemi(n)ck gelegen te holsbeke met/ huyse(n) hove(n) wynne(n)de lande beemden euselen en(de) ande(re)n sijne(n) toebehoirte(n)/ te houde(n) te hebbe(n) en(de) te wynne(n) van halfm(er)te lestleden ene(n) t(er)mijn/ van xii jaire(n) lanc v(er)volgende deen na dande(r) elx jairs dae(re)n bynne(n)/ om vx [vi(½)] mudden rox goet ende payabel d(er) mate(n) van loven(e) ex en(de)/ om xl hollan(tsche) gulden(en) goet en(de) geve oft de weerde dair af alle/ jaire [tvoirs(creven) coren] tsinte andries misse apostels te betalen en(de) te love(n) te leve(re)n/ en(de) tvoirs(creven) gelt tsint g m(er)tens misse inde(n) wynt(er) te betale(n) telke(n)/ t(er)mine(n) als v(er)volgende scout Ite(m) es vorwerde dat de voirs(creven) goerdt/ de lande vande(n) voirs(creven) hove wel en(de) loflic wynne(n) en(de) werve(n)/ sal gelijc reengenote(n) bove(n) en(de) benede(n) en(de) ten lesten jae(r) vanden/ voirs(creven) t(er)mijne sal de voirs(creven) wynne vure(n) opde(n) lesten vorsten meersberch/ xxiii vo scat voed(ere)n mest en(de) dander lant sal de selve wynne/ late(n) gelijc hijt vint Ite(m) es voirwerde dat de voirs(creven) jan [jairlix] en(de)/

de wynne alle jaire den voirs(creven) t(er)mijn duerende alle doeft int/

hoff voirs(creven) wassende half en(de) half deyle(n) sele(n)/[hebben sal tvierdel vande(n) oefte int hof wassen(de) en(de) de wynne dande(r) drie/ deele] en(de) de selve/ goerd saelt [al] ter erde(n) leve(re)n en(de) des selfs jans helcht [gedeelte] te loven(e)/ bringe(n) oft eld(er) dairt hem gelieve(n) sal Ite(m) es vorwerde dat de/ voirs(creven) wynne de huysinge vande(n) voirs(creven) hove houde(n) sal wel en(de)/ loflijc van wande en(de) van dake [en(de)] vand(en) van ty(m)m(er)ringen ofts behoefde/ en(de) de stoffe dair toe sal hij neme(n) aende goede dairt me(n) hem/ bewisen sal t(er) minster scaden Ite(m) es vorwerde dat de voirscr(even)/ wynne jairlix den voirs(creven) t(er)mijn due(re)nde geve(n) sal te paesscen/ een hondert eye(re) en(de) iiii hant kese goet en(de) cusbaer Ite(m) en/ sal de voirs(creven) wynne geen opgaende hout moege(n) afhouwe(n) noch/ stroncken anders dan troncboeme troncken o(m)me de goede d(aer) mede/ te v(er)maken ten wa(r)e van noede van ty(m)m(er)ringen gelijc voirs(creven) es/ inde sunt fideiusso(r)es d(i)c(t)i coloni henricus vande(n) staeke et/ theodericus tuelens co(m)moran(tes) apud holsbeke et p(ri)m(us) wynge/ hortbeke junii xvii