Item henric van moershem in p(rese)ncia heeft genome(n) en(de) bekint dat/ hij genome(n) heeft van woutere(n) vande(n) broecke thoff des voirs(creven)/ wout(er)s gehete(n) te langendonck gelege(n) inde p(ro)chie van haecht/ metten huysen hove(n) wynnen(de) lande eeusselen en(de) allen zijne(n) toebeh(oirten)/ houden(de) inder mate(n) sesse boend(ers) luttel min oft meer gelijc die belege(n)/ zijn inde p(ro)chien va(n) haecht voirs(creven) va(n) tieldonc van werchte(r) en(de)/ van he(re)nt te houde(n) en(de) te hebben van halfm(er)te naestcomen(de) eene(n)/ t(er)mijn van sesse jare(n) lang deen na dander sonder middel volgende/ elcx jaers d(aer)enbinne(n) voir en(de) om viii mudde corens goet en(de) payabel/ der mate(n) van loeven(en) en(de) x holl(andsche) guld(en) te xvi stuv(er)s stuc alle jae(re)/ te kersmisse te betale(n) en(de) te loeven(en) te leve(re)n ten huyse des voirs(creven)/ wout(er)s den voirs(creven) t(er)mijn dueren(de) q(u)[o]l(ibet) ass(ecutu)m It(em) es vorwerde dat de/ voirs(creven) henrick den t(er)mijn dueren(de) op sijne(n) cost drage(n) sal en(de) betale(n) alle(n)/ den oude(n) chijs en(de) co(m)mer uut de(n) voirs(creven) goede(n) gaende en(de) dat also/ in tijts dat den voirs(creven) wout(ere)n dair af gheen scade en come It(em)/ es vorwerde wa(n)t de voirs(creven) wout(er) den voirs(creven) henr(icke) ter stont leene(n)/ sal zeke(re) ghelt en(de) ande(re) have op dat de voirs(creven) henr(ick) de(n) voirs(creven)/ woute(re)n ten eynde vande(n) yersten drie jaren v(er)neucht ende betaelt/ vander voirs(creven) hueringen ende oec van tgene des hij de(n) voirs(creven) henr(icke)/ nu ter tijt leene(n) sal dat hij dan dand(ere) drie jare(n) voirt de/ voirs(creven) lande ter helicht hebben en(de) behoude(n) sal op dat hij wilt/ en(de) de hueringe vande(n) voirs(creven) hove voir en(de) om x guld(en) hollan(dsch)/ gelijc voirs(creven) es It(em) es noch vorwerde dat de voirs(creven) henr(ick) de/ huysinge vande(n) voirs(creven) hove de(n) voirs(creven) t(er)mijn dueren(de) houde(n) sal wel/ ende loflijc op zijne(n) cost vand(er) underster rijkelen ned(er)wert It(em)/ es vorwerde dat de voirs(creven) henr(ick) te sijne(n) afsceyde(n) de voirs(creven)/ goede late(n) sal also hij die vandt te zijnen income(n) It(em) sal/ de voirs(creven) henr(ick) alle tstroe vande(n) voirs(creven) goede int hof/ bringe(n) en(de) te meste maken en(de) dmest op tvoirs(creven) lant vue(re)n/ tslants meesten p(ro)fite It(em) sal de voirs(creven) henr(ick) alle jare de(n)/ voirs(creven) t(er)mijn duerende leve(re)n int voirs(creven) hof xv busselen walme(re)n/ om de huysinge mede te decken en(de) alsme(n) dan dect oft/ plect van oude(n) werke so sal henr(ick) den wercliede(n) de(n) mo(n)tcost/ gheve(n) en(de) wout(er) de dach ue(re)n betalen It(em) wa(n)neer me(n) aldair
//
ty(m)mert dect oft plect van nuwen wercke so es vorwerde dat/ de voirs(creven) henr(ick) op sijne(n) cost alle tgene van houte steene en(de) leeme/ desme(n) ald(aer) behoeve(n) sal [sal moegen halen] ter plaetsen d(aer) wout(er) hem die bewisen/ sal en(de) henr(ick) sal den wercliede(n) de(n) montcost gheve(n) elke(n) man/ op i boddreghe(r) sdaighs den welke(n) hij woute(re)n vand(er) hueringe(n)/ afcorte(n) sal en(de) altoes diene(n) en(de) levere(n) teene(n) dacroede(n) en(de) vitselroede(n)/ It(em) sal de voirs(creven) henr(ick) de voirs(creven) lande sijne(n) voirs(creven) t(er)mijn dueren(de)/ wel en(de) loflijc wy(n)ne(n) w(er)ve(n) en(de) meste(n) gelijc reengenote(n) bove(n)/ en(de) benede(n) It(em) sal de voirs(creven) henr(ick) alle de grechte(n) strate(n) en(de)/ wat(er)leyde(n) veeghe(n) ruyme(n) en(de) veeghen[maken] alle jare de(n) voirs(creven) t(er)mijn/ dueren(de) op sijne(n) cost also dat wouter dair af gheen scade en/ lijde It(em) sal de voirs(creven) henr(ick) op de voirs(creven) goede t(en) meesten/ p(ro)fite alle jare sijne(n) voirs(creven) t(er)mijn duerende sette(n) xii levende/ poten en(de) oft de voirs(creven) henric aldair e(n)nige oude verdroeghde/ boeme vonde die sal hij uutrode(n) en(de) voir elke(n) sette(n) ii levende/ poten vande(n) selve(n) arde It(em) de voirs(creven) wout(er) sal te hemw(er)ts behoude(n)/ int voirs(creven) hof een came(r) sonder wed(er)segge(n) des voirs(creven) henr(icx) oft yema(n)t/ anders cor(am) py(n)noc witte sept(embris) xiiii