Tvonnisse vanden gedinge hangende inde banc voe(r) meye(r)/ ende scepen(en) van loven(en) tusscen janne van hulslair janne/ wellens goerde vand(er) smissen en(de) gielize vande laps/ wonen(de) alle samentlijc op de groeve buyte(n) poirt(en)/ ald(aer) op deen zijde ende henricke willaerts wonen(de)/ desgelijcx op de groeve op den hornick vand(er) straten/ gehete(n) mispele(re)n streetken ter ande(re) alse vanden/ gebruycke en(de) mutscape van eene(n) borre putte staende/ op derve des voirs(creven) henricx acht(er) dwoenhuys op den/ voirs(creven) hornick in welc woenhuys de selve henric/ met scepen(en) brieve(n) van loven(en) gegoedt en(de) gheerft es/ dair de selve iiii p(er)sone hue(re) aensprake vande(n) voirs(creven)/ gebruycke deden meyne(n)de dat zij en(de) hue(re) voirseten/ totden selve(n) putte gegaen hadden en(de) hue(re) wat(er) gehaeltt/ en(de) sculdich wae(re)n te gaen des zij in possessien hadden/ geweest ov(er) xx xxx en(de) xl jaire en(de) dair bove(n)/ met meer reden(en) dair toe bide(n) selve(n) aensprake(n)/ h(ier) om tot hue(re)n eyssche te comen(e) gevueght den/ voirs(creven) henricke met sijne(n) scepen(en) brieve(n) contrarie/ houden(de) en(de) meynende bij vele reden(en) dair toe/ bij hen geseeght en(de) sund(er)lingen al conste zij van/ e(n)nigen gebruycke geseggen soe boet hij dair af/ tgedaechenesse van gratie(n) en(de) niet van rechte thoene(n)/ met dien dat den voirs(creven) putte wael xl voete(n) oft
//
dair omtrent bynne(n) sijne(n) erve stont bijden welken zij/ dair op gheen nutscap noch gebruyck van rechte/ gheallege(re)n en consten na dat beyde de voirs(creven) p(ar)tie(n)/ ten dage d(aer) toe gestelt hue(re) thonisse hadden geleidt/ soe waert gewijst bide(n) he(re)n scepen(en) van loven(en) ter/ manissen smeyers na aenspreke v(er)antw(er)den en(de) thonisse/ van beyde de p(ar)tien dat alsulken aensprake alse/ de voirs(creven) iiii p(er)sone gedaen hebben dat die den/ voirs(creven) henricke noch sijne(n) scepen(en) brieve(n) gheen onstade/ doen en soude alsoe v(er)re dat voe(r) scepen(en) come(n) es/ p(rese)nt(ibus) pynnoc miles abs(oloens) pynnoc witte wynge/ willem(air) decembr(is) s(ecun)da