SAL7342, Act: V°317.3 (470 of 649)
Search Act
previous | next
Act V°317.3  
Act
Date: 1448-03-13

Transcription

2020-03-30 by Pieter Soetewey
Also als inde(n) rechte voir meye(r) en(de) scepen(en) van loeven(e) gielijs calanys/
gehete(n) vand(er) eycke(n) v(er)reyct hadde mychiele robs va(n) schelle voir/
de so(m)me van l guld(en) rijd(er)s en(de) de selve mychiel op hede(n) es/
come(n) voir de(n) raide vand(er) stad jege(n) de(n) selve(n) gielise bieden(de)/
te thoene(n) dat de selve p(ar)tien in wed(er)zijde(n) voir goede ma(n)ne/
die d(aer) ov(er) ware(n) de clage vanden selve(n) v(er)reycke(n) van l rijd(er)s/
uutgesedt hadde(n) tot der tijt dat gielijs vander eycke(n) voirs(creven) en(de)/
gielijs castelanis met malcande(re)n vand(er) voirs(creven) sake(n) des zij und(er)linge/
uutstaende hadde(n) desen aencleven(de) v(er)leke(n) soude(n) wese(n) metter/
mi(n)ne(n) oft mette(n) rechte p(rese)nteren(de) jege(n) de(n) selve(n) gielise te rechte/
te stane beyde inde banc voir meye(r) en(de) scepen(en) van loeven(e)/
oft t(er) plaetse(n) d(aer) hij gesete(n) was te schelle inde banc dwelc/
de(n) voirs(creven) gielise best geliefde aengehoirt de voirs(creven) waerheit/
en(de) getuychenisse(n) des voirs(creven) mychiels als met alle(n) tgene des/
de(n) voirs(creven) gielise d(aer) jege(n) geliefde te allegeren waert/
get(er)mineert bij de(n) selve(n) raide vand(er) stad met volle(n) gevolge/
dat tvoirs(creven) v(er)reycke(n) van onwerde(n) blive zijn en(de) blive(n) soude en(de)/
dat de voirs(creven) mychiel robs d(aer) bove(n) met der p(rese)ntacie(n) die zij/
hij gep(rese)nteert hadde gestaen soude act(um) in pleno (con)silio/
p(rese)nt(ibus) burgimag(ist)ris et a(l)[iis] de (con)silio m(ar)tii xiii
ContributorsLieve Van Hoestenberghe
Moderated byLieve Van Hoestenberghe
Last update: 2015-08-20 by Agata Dierick