It(em) de vors(creven) jan caluwaert heeft geloeft den vors(creven) janne dat hem volgen sal/ den t(er)mijn van vi jae(re)n lang duerende van bamesse lestleden alsulcken schatschout [scaerhout]/ als nu gewassen [is] en(de) steet op den bossche(n) geheten p(ar)fondevail en(de) orgevail/ toebehoe(re)nde den goeden van belanen in alsulker vueghe(n) dat hij tscaerhout dair af/ sal moete(n) afhoude(n) en(de) ruyme(n) inder manie(re)n hier nae volgen(de) et te
//
weten tscaerhout vanden bossche van orgevail sal hij moete(n) af houde(n) met iiii rijd(er)/ houwen ende dbosch van p(ar)fondevail met ii houwen en(de) den vors(creven) hou sal hij moge(n)/ doen houwe(n) tot uutganc mey ende niet langer ende dat hout sal de vors(creven) jan/ moete(n) mete(n) ter minster scade(n) en(de) neesten wege tusschen den lesten dach/ van mey vors(creven) ende ts(in)te jansmisse en(de) af doen vueren dat selve hout/ te alder heylichmesse d(aer) na altoes staphans vervolghen(de) ten lanxsten oft/ des selfs jans caluwert moet hebben cor(am) eisd(em)