Vande(n) gedinge dat voir meye(r) en(de) scepen(en) van loeven(en) in de banck/ geweest es tusscen clase pet(er)s woenen(de) ter vuere(n) in deen zijde en(de)/ vrancken braecmans barbier die na de(n) rechte der stad va(n) loeven(en)/ geleidt es tot de(n) goede(n) maes vande(n) eechoute in dande(re) alse va(n)/ eene(n) huyse en(de) hove met sijne(n) toebehoirte(n) ter vuere(n) gelege(n) inde/ lange strate tussce(n) de goede godevairts va(n) molle en(de) henr(icx) mes/ dwelc de selve vrancke meynde dat koene(n) vande(n) poele die/ wettich wijf es des voirs(creven) maes van recht(er) oerien bleve(n) en(de)/ v(er)storve(n) ware va(n) hare(n) ouders na dat beyde de voirs(creven) p(ar)tien inde(n)/ rechte aensp(ra)ke en(de) v(er)antwerde(n) hadde(n) geeyndt en(de) tot hare(n)/ thoenisse mette(n) vo(n)nisse d(er) scepen(en) va(n) loeven(en) gewijst zijnde en(de) dat/ al int lange te(n) behoirlijke(n) dage(n) geleidt also wale va(n)d(er) maechscap/ vand(er) possessien en(de) vande(n) v(er)crigen(en) en(de) and(er)s so elc hoopte dat hem/ diene(n) mochte met lange(n) p(ro)cesse so sette(n) te(n) ut(er)ste(n) de he(re)n scepen(en)/ va(n) loeven(en) ter manisse(n) smeyers met hare(n) vo(n)nisse(n) de voirs(creven) p(ar)tie(n)/ vande(n) voirs(creven) goede(n) inde(n) hof d(aer) die hove(n) ald(aer) malc jege(n) ande(re)n/ recht te geve(n) en(de) te neme(n) p(rese)nt(ibus) o(mn)ib(us) de(m)pto wynge ja(nuarii) xiii