Van janne de heelt ende arnold(us) kyp/ Tvonnisse tusschen janne de heelt als man en(de) mombore (christ)ine(n) vander/ couthe(re)n zijns wijfs in deen zijde ende arnoldus kyp die gegoedt ende gheerft/ is voe(r) meye(r) en(de) scepen(en) van loven(en) inde woninge met drie huysen dair aen/ ghelegen achter den wildemant tusschen tstraetken aldair ende jans buten hove/ alsoe h(er) wouter wilen neve landeken van loven(en) de selve goede te houden/ plach van twee cronen erflijc die de voirs(creven) jan seyde dat h(er) wouter/ voirs(creven) sijne(n) voirs(creven) wijve in huweliker vorw(er)den geloefde tertijt als reyne(re)/ de boc met m(er)griete(n) vander couthe(re)n sijne(n) wijve suster d(er) voirs(creven) (christ)inen te/ huwelijc track ende de vorwerde vanden huwelike tusschen den selve(n) reyne(er)n/ ende sijne(n) wijve getracteert w(er)t alsoe hij boet te thoene(n) dair jeghe(n)/ de voirs(creven) arnold(us) antwerden(de) seyde al thoende de selve jan alle tghene des/ voirs(creven) is en(de) hij hem vermeten hadde dat hem dat nochtan noch sijne(n)/ goeden egheen ontstade doen en soude gemerct dat de selve (christ)ine jans/ wijf metten selve(n) janne te huwelic getogen wae(re) twee jair en(de)/ meer [m] v nadat jan seeght dat de voirs(creven) ghifte van huwelike/ sijne(n) wijve gesedt [geschiet] soude wesen dwelc jan bekynde ende alsoe meynde/ arnoldus dat de voirs(creven) jan noch sijn wijf met alsulken geluften gheen/ renten van huweliken vorw(er)den halen en soude(n) op sijn voirs(creven) goede gemerct/ dat de voirs(creven) jan en(de) sijn wijf noch gheen van hen ten tijde vander gelufte(n)/ niet teghenwordich en wae(re)n noch en vergaderden noch de selve gelufte(n)/ en ontfinge(n) alsoe dat blijken billiken behoudt soude hebben en(de) oic/ gewoenlijc is te gescie(n) was gewijst met desen worde(n) dat armol(dus)/ en(de) sijn goede(n) voirs(creven) ongehoude(n) sele(n) wesen vander aensprake(n) die/ de voirs(creven) jan te hemwert gedaen hadde alsoe verre alst noch/ voe(r) scepen(en) comen is p(rese)ntib(us) pynnoc milete abs(oloens) pynnoc wynge/ willem(air) hortbeke ja(nuarii) xxv