It(em) lijsbeth lambrechts en(de) jan de vleechouwe(re) hue(r) naturlijc soen hebbe(n)/ gekent ende gelijdt en(de) oic geconsenteert soe wanneer jan vanden p(er)re/ van kerb(er)gen der voirs(creven) lijsbette(n) te baemisse naestcomen(de) betaelt/ sal hebben de so(m)me van xiiii rinsche gulden(en) ende dat de selve/ jan voldaen sal hebben ghysselen h(er)mans van des de voirs(creven) lijsbeth/ en(de) hue(r) kinde(re) te heurwert belanc mochte zijn uut ocsuyne vande(n)/ beleide d(aer) mede jan wijle(n) de vleeschouwe(re) tot des vors(creven) jans/ goede vanden p(er)re beleidt was Ende de voirs(creven) lijsbeth ende/ hue(r) kinde(re)n dair af behoefte sullen hebben van quitan(cien) oft kennesse/ van rechte dat dan den voirs(creven) ja(n)ne vande(n) p(er)re volgen sal/ ombeledt en(de) vry dbeleit sprekende op zijn goede voirs(creven) staende/ in eenre doesen op dese came(r) pynnoc miles wynge ap(ri)lis viii