It(em) de voirs(creven) j lijsbet en(de) jan hue(r) soen hebben malcande(re)n toe/ geseecht en(de) geloeft dat zij in beide(n) zijden ter wettig(er) zeden [rekeni(n)gen]/ bringen sullen alle tghene des elc van hen mach hebbe(n) gehave(n)/ vande(n) gedeelte ende goeden toebehoe(re)nde lodewijke(n) de vleechouwe(re)/ nu uut den lande wesende broeder des voirs(creven) jans o(m)me d(aer) mede/ des selfs lod(ewijx) scout die hij dueghdelic sculdich es betaelt te/ werden Ende want de voirs(creven) lijsbet des selfs lodewijx goede/ voirtaen heffen sal o(m)me des hij sculdich mach wesen d(aer)/ af te v(er)nuegen Soe heeft zij geloeft en(de) toegeseecht den/ voirs(creven) lodewike(n) als hij bynne(n) lands sal come(n) wettige rekeni(n)ge/ te doen(e) alsoe dat hij des content ende te vreden sal wesen/ cor(am) eisd(em)