Tvo(n)nisse tussche(n) henricke lize in deen zijde en(de) woute(re)n/ vand(er) molen in dande(re) alse man en(de) mo(m)bor alijte(n) sijns/ wijfs docht(er) jans wilen swalschen in dande(re) alse van (½) mudde/ corens lijftochten dwelc de voirs(creven) wilen jan de walsche/ den voirs(creven) henricke lize met scepen(en) brieve(n) van loven(e)/ sculdich te wesen bekent hadde gelijc de selve brieve/ die inde(n) rechte worden gelesen begrepen welc lijftocht/ de voirs(creven) henric meynde dat de voirs(creven) wout(er) hem/ sculdich wa(r)e te cuelen ov(er)mids dat de selve wout(er) na/ de doot des selfs wilen jans alse oir en(de) erfgename/ de goede beyde have en(de) erve aenveert hadde/ bij hem en(de) sijne(n) voirs(creven) wive alsoe de voirs(creven) henric/ boet te thoene(n) dair tegen de voirs(creven) wout(er) hem/ v(er)antworde seggen(de) dat de voirs(creven) henric sijn v(er)met/ ne(m)mermeer thoene(n) en soude aengesien dat de voirs(creven)/ jan de walsche ter tijt alse hij aflivich wordt/ acht(er)liet een getroudt wettich wijf de welke inde/ have na den selve(n) ja(n)ne gebleven bleef besitten(de) en(de) die/ aenveerde alsoe hij boot te thoenen en(de) dat de/ selve wout(er) uut ocsuyne vanden aenverden der erfgoede/ al conste de voirs(creven) henric dair af yet gethoene(n) inde/ voirs(creven) schout niet sculdich en wa(r)e gehouden te wezen/ was gewijst met desen worden dat alsulken aensprake/ alse de voirs(creven) henric gedaen hadde tot den voirs(creven) woute(re)n/ dat die den selve(n) woute(re)n gheen onstade doen en soude/ p(rese)nt(ibus) pynnoc milite abs(oloens) witte wynge willem(air) maii/ penultima