Van pete(re)n vaes/ Item want pet(er) vaes die mids vo(n)nisse van scepen(en) brieve(n) van loven(e)/ come(n) ende beleidt es tot allen den haeflijken goeden willems vande(n)/ hove van werchte(r) op heden hadde doen inscrive(n) den scepen(en) van/ arscot en(de) den voirs(creven) willem(me) en(de) alle ande(re) die hem onge/ bruyc deden aen zeke(r) gelt staende onder scepen(en) van arscot/ voirs(creven) lopende ter so(m)men van v hollan(tsche) gulden(en) ter goeder/ rekeni(n)gen dair af den dach van rechte op heden diende/ tot welke(n) dagen geen vanden voirs(creven) p(ar)tien int recht/ en comp(ar)eerde soe hebben de he(re)n scepen(en) van loven(e)/ t(er) manissen smeyers gewijst voe(r) een vo(n)nisse dat me(n) den/ voirs(creven) pete(re)n vanden voirs(creven) gelde houden sal inde macht/ van sijne(n) voirs(creven) beleide en soe verre dat voe(r) scepen(en)/ comen wa(r)e p(rese)nt(ibus) pynnoc abs(oloens) pynnoc witte wynge willem(air)/ hortbeke junii xv[a]