Van janne vander voert/ Item tvonnisse tusscen janne de smet alse geleidt tot den goeden henricx/ vanden hoegenhuys geheten geldens in deen zijde ende hanne vand(er) voert/ van bethekem in dande(re) alse vander haven die de voirs(creven) jan de smet/ bij brieve(n) van v(er)sueke d(er) stad van loven(e) gepant ende aenvert hadde/ ten huyse des voirs(creven) jans vander voert dwelc gesciede mids der/ opdracht die de selve jan vander voert den voirs(creven) henricken vande(n)/ hoegenhuys gedaen soude hebben om betalinge te hebben van sekerder/ scout die de voirs(creven) jan vander voert den voirg(enoemde) henricken belanc/ mochte wezen Welc aenverden de selve vander voert meynde/ dat tonrechte gesciet wa(r)e aengesien dat hij de selve have aend(en)/ voirs(creven) henricken and(er)s niet v(er)bonden en hadde dan met (con)dicien/ te wete(n) dat de selve henric dair aen soude moegen v(er)vangen/ tghene bij segge(re)n ende goede(n) manne(n) dair toe genome(n) zijnde
//
bij submissien gesciet voe(r) scepen(en) van loven(e) oft uut(er)lic bij den raide/ vander stad bevonden soude worden dat de selve jan den voirs(creven) henr(icken)/ belanc soude wezen dair af duutsprake alnoch niet gesciet en/ was welke condicie de voirs(creven) jan onder den ande(re)n openbairlic thoe(n)de/ Was gewijst met desen woirden dat de voirs(creven) jan de smet met/ der pendingen oft aenverden der voirs(creven) haven te vroech op/ wa(r)e p(rese)nt(ibus) lombart pynnoc kersmake(re) vinc oct(obris) v[ta]