Item tvoirs(creven) beleit sal blive(n) en(de) liggen onder scepen(en) van loven(e) talsulcker/ meyni(n)gen dat de voirs(creven) henric vasont dair mede sal wercken gelijc/ hij geloeft heeft opde manie(r) hier nae gespecificeert yerst sal/ hij metten voirs(creven) beleide behulpen vrancken willem(air) dat hij vanden/ goeden der vors(creven) p(er)sone worde betaelt van xl gulden(en) saluyten oft
//
de werde viii mudden corens der maten van loven(e) ende twee peters/ ende eene(n) halve(n) eens metter cost van rechte die de selve/ vranck sal verleggen bij gebreke zijnd(er) schout voirs(creven) dae(re)n teynden/ sal hij behulpen steven smacht dat de selve steve(n) gelost/ sal worden van dien iiii guld(en) rijd(er)s lijfpensien dair voir de/ selve steve(n) des voirs(creven) jans borge aen wout(er)en dantijn [es bleve(n)] ende/ elder daer men bevynden mochte dat de selve jan met/ scepen(en) brieve(n) van loven(e) den voirs(creven) steven geloeft hadde/ co(m)merloes te houden metter cost als boven Voirt sal dae(re)n teynde/ de selve henric[(us)] aende voirs(creven) goede behulpen merten vand(er)/ smyssen dat de selve merten vanden voirs(creven) janne gelost/ sal worden van alles ghens desmen bevynt dat de selve/ merten voirs(creven) den vors(creven) janne drabbe borge is ende dair hij/ den selve(n) m(er)ten met scepen(en) brieve(n) van loven(e) geloeft/ heeft scadeloes tontheffen(e) metter cost als boven teneynde/ van allen desen sal de voirs(creven) henr(icus) behulpen en(de) aen de selve/ goede pete(re)n vand(er) most dat hij betaelt sal worden vanden/ selven janne van dien viii mudden terwen ende viii mudden ghersten/ die de selve jan hem sculdich is insgelijcx metter cost opde manie(r)/ als boven bij alsoe dat de voirs(creven) p(ar)tien altijt ast behoeven sal/ ende zijns behulps te doen hebben selen de costen die hier inne/ behoeven selen uut geleeght te worden uut reyken en(de) betaelen/ selen sonder last des selfs henricx Oic salmen uut desen/ brieve goeden ofts behoeft de goede die de vors(creven) bekynd(er)s/ vercopen selen willen o(m)me de pe(n)ningen d(air) af comen(de) den/ voirs(creven) p(ar)tie(n) opde manie(r) boven geruert [te bekeren] ende den selve(n) p(ar)tie(n)/ genoegh gedaen zijnde salmen den vors(creven) bekynd(er)s hen/ brieve weder gheve(n) cor(am) eisd(em)