It(em) de voirs(creven) yde sal huer moege(n) doen beyde(n) mette(n) voirs(creven) brieve alst huer/ gelieft tot alle(n) de(n) haeflike(n) goede(n) des selfs huers vad(er)s dwelc slaen sal/ op de have die yde va(n) ysere(n) moed(er) der voirs(creven) yde(n) vande(n) voirs(creven) hueren wettige(n)/ man sitten(de) te huerw(er)t heeft gecrige(n) sal en(de) dagelijcx hantplichten(de) es maer/ niet voirder talsulker meyningen dat tselve beleyt onder scepen(en) blivende na/ de doot der voirs(creven) yden der moeder de voirs(creven) yde hue(r) dochter alle de selve/ hue(r) have sal hebbe(n) en(de) mette(n) voirs(creven) brieve aenveerde(n) maer hue(r) binne(n) huere(n)/ leven(e) die late(n) bruycken en(de) besige(n) op dat se hue(r) dier niet quijt en doe/ tot hue(re)n nutscape en(de) gerieve d(air) en boven sij huer hare(n) leefdach aende/ selve goede gheen hynd(er) doen en sal moege(n) het en ware dat de selve/ moeder hue(r) der selver have(n) quijt doen woude oft de voirs(creven) scepen(en) brieve/ ontweldige(n) dat zij dat hier met sal moegen wed(er)staen in alle(n) vuechlike(n)/ en(de) behoirlike(n) maniere(n) cor(am) eisd(em)