It(em) jonch(e)r henric van scoonhove(n) sone jans he(re) te scoonhove(n) jan/ ende ph(i)l(ips) van scoonhove(n) sijn sone te voe(re)n des uut des/ selfs jonch(e)r henr(ickx) huers vaders broede gedaen in jegewoird(icheit)/ d(er) scepen(en) van loven(en) gestaen hebben geloeft ongesundert ende/ onv(er)sceiden en(de) elc voe(r) al brued(er) jacoppe vande(n) broeke/ conv(er)s sgodshuys van betleem inden name ende tot behoeff/ des selfs godsh(uys) behoirlijke vestich(eit) te doen(e) tot allen plaetsen en(de)/ met alle(n) p(er)sone(n) dair ende bij den welken dat behoeve(n) sal van / xviii rinsche gulden(en) erflijker rente(n) als [die] jouffr(ouwe) jeha(n)ne swaefs wedue/ jans he(re) te medegem ende te mierle cocht ende creech jegen/ gholy van wijchmale alsoese de selve gholy hadde opde goede/ jans wilen van wijchmale nu des voirs(creven) godsh(uys) te wijchmale gelege(n)/ met hue(re)n toebehoirte(n) en(de) dat tusscen dit ende kersmisse naest/ comende op cost des voirs(creven) godshuys op alsoe dat inder vestich(eit)/ voirs(creven) de selve jouff(rouwe) jehanne vande(n) rente(n) voirs(creven) hue(re) tocht vry/ hue(re) leefdach lanc behoude(n) sal moegen op dat hue(r) gelieft/ ende oft soe geboirt dat zij dier tocht van dier rente(n) e(m)mer/ tot onderwijse des voirs(creven) jonch(e)r henrix niet afwesen noch derve(n)/ en woude dat dan de voirs(creven) p(er)sone gestaen sullen moegen/ om met goeder vestich(eit) te voldoen(e) des hier na volcht/ dwelc op cost des voirs(creven) jonch(e)r henrix gescien sal moete(n)/ te weten dat de voirs(creven) jonch(e)r henric met sijne(n) voirs(creven) zoene(n)/ come(n) sal en(de) bekenne(n) alsdan voir scepen(en) van loven(en) den/ voirs(creven) godsh(uys) de voirs(creven) xviii rinsche gulden(en) d(er) jouffr(ouwe)/ jehanne(n) leefdage lanc en(de) die geloeve(n) t(er) manissen te/ bewisen Ende dair voe(r) sal hem tvoirs(creven) godsh(uys) doen/ beleide(n) ter stont na kersdach op dat hem gelieft tot alle(n)/ den goede(n) des voirs(creven) jouf jonch(e)r henr(ickx) om alsoe den voirs(creven)/ godsh(uyse) van dan [voirt vande(n)] geve(n) en(de) betale(n) der voirs(creven) rente jairlix/ d(er) voirs(creven) jouff(rouwe) joehanne(n) leefdach lanc scadeloes ende quijte/ onthave(n) te werden Op alsoe wairt dat de selve bekenders/ onder beleide voe(r) op hue(re) goede hadden oft datme(n) dat bevinde(n)/ conste dat zij o(m)me van die(n) tvoirs(creven) godsh(uys) ongepraemt te blive(n)/ tselve dair af behoirlic sulle(n) besorge(n) en(de) dair toe soe vele/ doe(n) dat de(n) selve(n) godsh(uyse) tewelke(n) dage(n) vast s ende seker/ sal moegen wesen voirt hebben geloeft de vade(r) ende de sone
//
dat zij tusscen dit ende kersmisse naestcomen(de) henricke(n) van scoenh(oven)/ den joncge(n) jonch(e)r henr(icken) sone broeder d(er) voirs(creven) gebruede(re)n in/ die(n) sulle(n) hebbe(n) ende v(er)vange(n) dat hij alle de voirs(creven)/ gelofte(n) voe(r) scepen(en) van loven(en) doen ende geloeve(n) sal ende/ alsoe es vorwerde dat de rente die tsint jans misse lestlede(n)/ half es gevalle(n) en(de) te kersmisse naestcomen(de) voirt dand(er) helcht/ valle(n) sal en(de) alsoe voirtaen tvoirs(creven) godsh(uys) sal trecken sonder/ yemants wed(er)seggen al eest dat de gued(inge) dair af nocht(er) tijt/ niet gedaen en es coram pynnoc vyncke junii xxvii
//