Item want meest(er) jan de voirder als geleydt tot den goeden meest(er) ghijsbrechts van/ ov(er)devecht officiaels van ludic ende desgelijcx meester lambrecht en(de)/ pet(er) van ov(er)devecht met haren medeplichte(re)n alse gegoet en(de) geerft met gad(er)s/ den voirs(creven) meeste(re)n ghijsbrechte in alrehande goede te he(re)ntals te morchoven/ te nod(er)wijc en(de) dair omtrent geleg(en) die jan wijlen van wesemale tsijnre/ tocht te houden plach gelijc scepen(en) brieve dat cleerlijck uutwijsen hadden/ doen inscriven opden dach van heden te comparere(n) inde banc te loven(en)/ mychiele oriaens sone ende vrancken moens die hen aende sesse sevenste/ gedeelte vanden selven goeden ongebruyc deden ende de selve ii p(er)sone tot/ haren dagen niet comen en sijn Soe eest dat ten v(er)sueke des voirs(creven) meest(er)/ jans en(de) sijnre medeplichte(re)n de scepen(en) van loven(en) ter manissen smeyers/ gewijst heeft hebben voe(r) een vo(n)nisse datme(n) den selven meest(er) janne ende/ sijn voirs(creven) medeplichte(re)n houden sal vande(n) voirs(creven) goeden inde macht vanden/ voirs(creven) horen scepen(en) brieve(n) also verre dat noch voir hen comen es p(rese)nt(ibus) lomb(ar)t/ pynno kersmake(re) vync aug(usti) xxii