Item es d(er) voirs(creven) segge(re)n eendrachtige uutsprake dat de voirs(creven) henr(ic)/ goly binne(n) eenre maent naestcomen(de) de(n) voirs(creven) woute(re)n bauts v(er)borge(n) sal/ met goede(n) borghe(n) d(air) voe(r) goet genoech zijnde de so(m)me va(n) li guld(en)/ rijd(er)s oft de w(er)de d(air) af te bamisse naestcomen(de) betaelt te worde(n)/ als v(er)volchde schout en(de) tot dien dage toe sal de voirs(creven) wout(er)/ metter hant behoude(n) uut crachte va(n) sijne(n) scepen(en) br(ief) alle de/ goede des voirs(creven) henr(ix) soe hij die nu heeft en(de) die te(n) oechste/ naestcomen(de) bloeten en(de) ontvrome(n) va(n) alle(n) getydeger vrome(n) sond(er) dair/ af oft va(n) e(n)niger vrome(n) die hij binne(n) zijne(n) besitte vande(n) voirs(creven)/ goede(n) mach hebbe(n) gehadt den voirs(creven) henr(icke) oft yeman(ne) van/ zijne(n) wege(n) dair inne gericht te zijne oft d(air) af restitucie te/ gecrige(n) bij also dat hij de(n) selve(n) goede(n) tot dien dage toe/ doen sal hoir p(ro)ffijt gelijc zijns selfs goeden op Op sulke co(n)dicie/ oft hem bijd(er) borchtocht voir geruert oft oec dair sonder vande(n)/ voirs(creven) henr(icke) de so(m)me voirs(creven) te(n) voirs(creven) payme(n)te worde betaelt/ dat hem dan mede opgeleecht en(de) v(er)goude(n) soude worde(n)/ ter goed(er) ma(n)nen prijse tsgheens des hij aen de selve goede/ hadde uut geleecht oft doen wercke(n) oft hem oec alsdan de voirs(creven)/ so(m)me niet betaelt en worde noch vande(n) dage va(n) hede(n) ov(er)/ een jaer d(air) na bijde(n) voirs(creven) henr(icke) uut ocsuyne vander voirs(creven)/ borchtocht oft and(er)s so sal hij alle de erfgoe(de) des voirs(creven) henr(ix)/ die hij op de(n) dach va(n) hede(n) metter hant heeft voir hem en(de)/ sijne(n) nacomelinge(n) tot ewige(n) daghen moegen behouden sond(er)/ dat de voirs(creven) henr(ic) goly sijn nacomelinge(n) oft yeman(ne) and(er)s va(n)/ zijne(n) oft hoire(n) wegen dair op e(n)nige actie oft aensp(ra)ke sele(n)/ behoude(n) en(de) d(air) o(m)me sal alsnu voirtane dan de voirs(creven) henr(ic)/ de(n) voirs(creven) woute(re)n voir scepen(en) va(n) loeven(en) va(n) alle(n) de(n) voirs(creven)/ goede(n) genoech doen gelove(n) dwelc wed(er)om gea(n)nichilleert/[It(em)] sal werden eve(n) v(er)re de voirs(creven) henr(ic) sijn voirs(creven) goede opde/ manie(re) voirs(creven) gelieft te lossen en(de) oft de selve henr(ic) de/ voirs(creven) lossinge niet en dade noch de(n) voirs(creven) woute(re)n zijn pe(n)ni(n)g(en)/ uut en reycte voir vande(n) dage van hede(n) ov(er) een jaer als/ voirs(creven) es so sal tot dier tijt de voirs(creven) wout(er) de voirs(creven) goede/ behoude(n) en(de) die vrome(n) en(de) ontvromen en(de) alsdan trecke(n) de vruc(hten)/ op de selve goede wassende va(n) oechste naestcomen(de) ov(er) i jaer ende
//
alsdan soudese de voirs(creven) henr(ic) na de(n) oechst bloot moeghen/ aenveerden ende eve(n) v(er)re de voirs(creven) lossinge gesciet op/ e(n)nich vande(n) maniere(n) voirs(creven) en(de) de voirs(creven) wout(er) bauts vande(n)/ voirs(creven) henr(icke) wordt gelost en(de) onthaven van dien ii rijders/ lijfpensien d(air) voe(r) hij des selfs henr(ix) borghe was aen/ janne va(n) udeke(m) de(n) jonge(n) eve(n) v(er)re me(n) bevindt dat hij/ nu t(er) tijt niet gelost en es so sal de voirs(creven) wout(er) bauts de(n)/ voirs(creven) henr(icke) ov(er)geve(n) zijn beleyt brief en(de) d(air) toe de(n) scoutbrief/ vande(n) selve(n) beleyde tot zijnre eedt oft hijte(n) heeft en(de)/ oft hijs niet en hadde en(de) ond(er) de clercke noch laghe/ alsoe hij meyndt so sal de voirs(creven) woute(r) aen de selve/ clercke beghe(re)n datme(n) dien de(n) voirs(creven) henr(icke) sueke en(de)/ ov(er)gheve bevondeme(n) oec dat de voirs(creven) wout(er) dien/ yemande met rechte ov(er)gegeve(n) hadde d(air) af soude de voirs(creven)/ wout(er) de(n) voirs(creven) henr(icke) innestaen en(de) warant zijn Es voirt/ d(er) voirs(creven) segge(re)n uutsprake dat de voirs(creven) wout(er) betale(n) sal/ alle(n) de(n) pacht chijs en(de) co(m)mer uut de(n) voirs(creven) goede(n)/ gaende die gevallen es binne(n) de(n) tijde dat de voirs(creven)/ wout(er) die mett(er) hant heeft gehadt oft noch valle(n) sal/ tot kersmisse naestcomen(de) exclus het en w Eve(n) v(er)re/ oec de voirs(creven) henr(ic) sijn goede yerst loste vande(n) dage va(n)/ hede(n) ov(er) i jaer want wout(er) de vruchte(n) vande(n) toecomen(de)/ jare soude hebbe(n) so soude de voirs(creven) wout(er) de voirs(creven) goede/ va(n) hare(n) chijse en(de) co(m)me(r) zuve(re)n tot va(n) kersmisse naestcomen(de)/ ov(er) een jaer als voir geruert es Item es voirt hoir/ uutsprake wa(n)t de voirs(creven) p(ar)tien q(ue)stie hebbe(n) va(n) ii plecke(n)/ erfs te wete(n) een dach(mael) lants gelege(n) aende(n) steenberch/ te nurode en(de) van xxv roeden lants gelege(n) opde(n)/ grote(n) zavel die de voirs(creven) wout(er) bauts meyndt te rechte/ jege(n) ande(re)n p(er)sone(n) gecrege(n) te hebbe(n) en(de) dat de(n) beleyde/ des voirs(creven) henr(ix) niet toe en behoirde dat de voirs(creven)/ p(ar)tien hier af selen blive(n) staende te(n) eynde vand(er) lossingen/ voirs(creven) in beyde(n) zijden op hoir beloep va(n) rechte Voirt/ sal elc vande(n) voirs(creven) p(ar)tien drage(n) sond(er) restitucie vande(n)/ ande(re)n te hebben alsulke(n) cost en(de) last als hij int v(er)volch va(n)/ des(er) sake(n) en(de) uut ocsuyne der selver heeft gelede(n) en(de)/ alse de voirs(creven) henr(ic) de voirs(creven) lossinge gedaen heeft sal
//
hem de voirs(creven) woute(r) inde hant gheve(n) sond(er) met rechte te/ doen ov(er) hebbe(n) de(n) brief van dien iii m(ud)[de(n)] rocx lijfpensien/ die de weduwe gerardi wile(n) va(n) baussele op de(n) voirs(creven) henr(icke)/ goly sijne(n) vad(er) brued(er) zwaghe(r) en(de) meer ander p(er)sone(n) voirtijts/ gecreech en(de) die de voirs(creven) wouter gelost heeft om dat/ de voirs(creven) henr(ic) op zijn medegeselle(n) die gelijc hem p(ri)ncipale/ zijn en(de) op nyemande and(er)s d(air) mede wercke(n) moege also v(er)re/ hij met rechte sal moege(n) [oft oic naemaels ind(er) voirs(creven) uutsprake(n) eenich donckerh(eit)?gevile? d(air) af de voirs(creven) vier segge(re)n behoude(n) huer eendrechtich v(er)cle(re)n] en(de) mids deser vors(creven) uutspraken/ sele(n) de voirs(creven) wout(er) ende henr(ic) v(er)enicht sijn en(de) blive(n) va(n) alle(n)/ stote en(de) questie(n) die zij deen jege(n) de(n) ande(re)n uutstaende hebbe(n)/ moege(n) tot de(n) dage toe va(n) hede(n) in e(n)nig(er) maniere(n) eisd(em)