SAL7343, Akte: V°78.1 (148 van 593)
Akte V°78.1
Act
Datum: 1448-09-03
Transcriptie
2018-05-03 door Henri BrandenburgItem uut dien dat claes pied(er)s die mids macht van scepen(en) brieve(n) van loven(en) na/
der stat recht van loven(en) geleit es totden goeden beyde have en(de) erve/
h(er) jans vilain riddere gevonnist heeft voir meye(r) en(de) scepen(en) van/
loven(en) zeke(re) scepen(en) brieve(n) van loven(en) spreken(de) van dusent neghentich ende/
vijftich oud(er) grote tournoisen erfchijs ende rente(n) de welke de voirscreven h(er) jan/
vilain heeft op alrehande goede(n) hier na bescreve(n) In den yersten op/
thof van y(m)mersele met woni(n)gen huysen hove(n) wynnen(de) lande(n) beemde(n)/
eeusele(n) bosschen molen(en) wate(re)n wuwe(re)n thiende(n) chijnse rente(n) erfpachte/
rechten heerlech(eiden) en(de) ande(re)n sijne(n) toebehoirte(n) gelikerwijs h(er) arnt wilen/
van y(m)mersele ridde(r) de voirs(creven) goeden te houden plach en(de) gelijc/
die gelege(n) sijn inden p(ro)chien van wo(m)meleghe(m) en(de) van doirne en(de)/
dair omtrent Item op thof en(de) goede gehete(n) van lye(r) metten/
woni(n)gen huysen hove(n) wynnen(de) lande(n) beemde(n) eeusele(n) bosschen/
molen(en) wate(re)n wuwe(re)n thiende(n) chijnse erfpachte rechten heerlech(eiden)/
en(de) ande(re)n sijne(n) toebehoirte(n) gelege(n) inde p(ro)chien van schille en(de)/
broechem en(de) h(er) wout(er) wilen van lye(r) ridde(r) de voirs(creven) goeden/
te houde(n) plach en(de) jan van lye(r) sijn soene nu houden(de) es Ende/
tvoirs(creven) vo(n)nisse openbairlijc wijsde dat de voirs(creven) clais trecken soude/
met meye(r) en(de) scepen(en) van loven(en) op de voirs(creven) pande en(de) vonde hij/
ald(air) te panden dat hij panden soude en(de) en vonde hij niet te/
panden dat hij dan voirt vae(re)n mochte en(de) met rechte Alsoe/
dat dien navolgen(de) de voirs(creven) claes getogen es op de voirs(creven) pande/
ald(air) hij niet te panden bevonden en heeft mids den welken hem/
de voirg(eruerde) pande met meye(r) en(de) scepen(en) van loven(en) voir gebrec/
vanden voirs(creven) renten behoirlijc gelevert en(de) in handen gesedt sijn/
met den gaders den coste en(de) co(m)mer van rechte dair op gelopen/
cor(am) vync dormale septembr(is) tercia
Nagekeken door: Mi-Je Van Gils
Moderator: Mi-Je Van Gils
Laatste update:: 2015-03-03 door Jos Jonckheer