Van clase retinx/ It(em) van den gedinge dat voe(r) meye(r) ende scepen(en) van loven(en) es/ geweest tusscen den voirs(creven) claze in deen zijde ende meest(er) janne/ vanden brande die na den rechte d(er) stad van loven(en) come(n) ende/ beleidt es tot den goede(n) have ende erve jans vande(n) brande/ zijns neve(n) in dande(re) Alse van ene(n) stucke erfs gehete(n) den/ brem gelegen inde prochie van b(er)lair neven de goede/ henrix vande(n) eynde ende van ene(n) halve(n) boende(r) lands/ dair bij gelege(n) neve(n) de goede des voirs(creven) henrix vande(n) eynde/ ende al onder den hoff des abts van grymb(er)gen aldair die/ jan vande(n) brande voirs(creven) te houde(n) plach Welke goede de voirs(creven)/ claes meynde dat hij van met alle(n) punte(n) van rechte nae/ des hoefs recht dair zij onder gelegen wae(re)n uutgenomen/ hadde voe(r) vii vierdele(n) rox erfs pachts die hij dair op/ hadde ende hem alsoe dien navolgende met rechte gelev(er)t/ des hij thoenisse bijleide Dair op dat de voirs(creven) meest(er)/ jan hem v(er)antwerden(de) dede seggen ende boet te thoenen/ alrehande reden(en) bij den welken hij meynde dat de selve/ uutwynni(n)gen besonder op thalf boend(er) lands voirs(creven) van gee(n)re/ weerde(n) en wae(re) oft wesen en soude Wert ten uut(er)sten/ na aensprake v(er)antwerden en(de) thoenissen van beide(n) p(ar)tien/ bij vo(n)nisse der scepen(en) van loven(en) de sake gestelt inden/ hoff dair de goede onder hoeve(n) om ald(air) jegen malcande(re)n/ van desen saken recht te neme(n) ende te geven p(rese)nt(ibus)/ lombart pynnoc kersmake(re) abs(oloens) vyncke lynte(re) sept(embris) x[a]