Uutdien dat arnt der kynde(re)n niet tegenstaende zeke(re) vo(n)nisse(n) en(de)/ termijnacien teghen hem en(de) voir lodewijken goes gelopen met den/ welken de selve lodewijc schuldich is inde possessie van eenen/ stucke beemps te bliven dat den vors(creven) arnde toe te behoe(re)n plach/ ond(er) de banc van wobbekem gelegen achtervolgen(de) sijnd(er) leveringen/ die hij dair af met meye(r) en(de) scepen(en) van loven(en) hadde [gedaen] voir/ ii(½) gulden(en) hellinghe die de selve lod(ewijc) met scepen(en) brieven/ van loven(en) dair op was heffende de selve goede heeft aenveert/ gemayet ende gehoyet sonder den selven chijs cost en(de) last co(m)mer/ op te leggen en(de) de p(ar)tien hier af te beyden zijden hier af/ op heden bijden raide vand(er) stat sijn geweest elc van het/ op doende tghene des hij meynde dat hem dienen soude/ moeghen Soe wairt naedien aengemerct de vo(n)nissen en(de)/ termijnacie(n) vors(creven) bij den raide vand(er) stat overdragen en(de) get(er)mijneert/ en(de) den vors(creven) arndt bevolen alse hij sijn mesgrijp voe(r) gep(er)pittreert/ geloeft hadde in handen vanden borg(er)meester te bete(re)n dat/ de vors(creven) lodewijc goes int vors(creven) erve peyselijc sal bliven totter/ tijt dat hij naeder stat recht van sijnen gebreken salsijn voldae(n)/ ende dat de vors(creven) arndt hem dair aen gheenssins hierenbove(n)/ hynder nocht ongebruyc doen en sal Ende want de vors(creven)/ arndt d(er) kynde(re)n over den vors(creven) principalen beempt tot ande(re)n/ erve dat bij daer aen liggen(de) heeft meynt geweeght/ te sijne en(de) de vors(creven) lod(ewijc) hem tgebruyc vandien wege ontkynt/ gehadt te hebben(e) oft met rechte sculdich te gedoege(n) soe is/ d(aer) af get(er)mijneert dat de vors(creven) arnt des weeghs niet gebruyken/ en sal voe(r) d(er) tijt dat hij dien den vors(creven) lod(ewijken) de vors(creven) goede mett(er)hant/ hebben(de) met rechte aengewonne(n) sal hebben t(er) plaetsen d(aer) dat behoe(re)n/ sal Act(um) cor(am) smacht substituto burgim(a)g(ist)ro et willem(air) burg(imagistro) ac aliis de/(con)silio sept(embris) xviii