SAL7345, Akte: R°195.2 (314 van 628)
Zoek akte
Vorige | Volgende
Akte R°195.2  
Act
Datum: 1452-01-13

Transcriptie

2019-02-01 door Chris Picard
Item want vrouwe katlijne van kersbeke weduwe he(re)n goerts wilen/
van herduwemont here van holloigne ridde(r) wettige dochter her/
wouters wilen van kersbeke ridders welcke h(er) wouter uut machte/
van scepen(en) br(ieve) van loven(en) voe(r) meye(r) en(de) scepen(en) van loven(en) over/
veele jae(re)n gegoedt en(de) geerft es geweest in alle de goede/
die wae(re)n des vors(creven) wilen h(er) goerts so v(er)re die onder/
de banc van hannut wae(re)n gelegen met der stat brieve(n)/
van loven(en) hue(r) hadde doen leve(re)n oft den bringer vand(en) brieve/
in hue(re)n name alle de selve goede en(de) de bailliu die de/
selve brieve hadde ontfangen op heden voe(r) meye(r) en(de) scepen(en)/
van loven(en) ter begerten vand(er) selv(er) vrouwen tuyghde dat/
hij janne van cherain op huden inde banc te weze(n) te loven(en)/
dach gedaen hadde [daer hij] nochtan dat niet en compareerden/
Soe wijsden de vo(n)nissen der he(re)n scepen(en) van lov(en) datme(n)/
de vors(creven) vrouwe inde macht van hue(re)r vors(creven) guedinge/
soude houden soe v(er)re dat noch voe(r) hen come(n) wae(r) p(rese)ntib(us)/
o(mn)ib(us) scab(inis) ja(nuarii) xiii
Nagekeken doorkristiaan magnus
Moderatorkristiaan magnus
Laatste update:: 2016-03-15 door Jos Jonckheer