SAL7345, Act: R°204.2-V°204.1 (332 of 627)
Search Act
previous | next
Act R°204.2-V°204.1  
Act
Date: 1452-01-19

Transcription

2019-07-01 by Chris Picard
It(em) aert vande(n) dale sone jans vande(n) dale woenen(de) te tuernhout/
in p(rese)ncia heeft genome(n) en(de) bekent dat hij genome(n) heeft va(n)/
he(re)n emonde va(n) emichove(n) meest(er) va(n) chantrain en(de) brueder/
willem(me) va(n) oest(er)zele brued(er) vand(er) selv(er) ordine(n) alsulke(n) thiende als/
de ordine va(n) sint jans te jherusale(m) heeft te outtuernhoudt/
en(de) te nyentuernhoudt toebehoe(re)nde totte(n) huyse vand(er) selv(er)/
ordine(n) geheete(n) terbrake en(de) oic alsulke(n) pechtinge(n) als henric/
frans jan claes en(de) henric de vijt woenende te duffle vand(er)/
vand(er) selv(er) ordine(n) geheete(n) de brake houdende zijn gelijc jan/
va(n) ghirle al des voirs(creven) es voirmaels gehoude(n) heeft Te houde(n)/
ende te hebben va(n) sint jansmisse bap(tis)[te(n)] int jair xiiii[c] xlix/
eene(n) t(er)mijn va(n) vi jae(re)n lanc deen nae dand(er) sonder middel/
volgende d(aer) af de voirs(creven) aert jairlijcx betale(n) sal half te/
paessche(n) en(de) half te sinxene te wete(n) int jair xiiii[c]/
vijftich alst dierste payment v(er)schijnt twee hondert/
en(de) liii rijnsche gulden(en) va(n) goude goet en(de) ghene der/
munte(n) der vier corenbosche(n) inde(n) wissele te loven(en) oft/
tantwerpe(n) dair den voirs(creven) he(r) va(n) chantrain [brued(er) willem] best gelieve(n)/
sal te leve(re)n en(de) int jair xiiii[c] eene(n)vijftich iii[c] en(de) xxviii/
r(ijnsche) gulden(en) d(er) munte(n) als voe(r) en(de) int jair xiiii[c] lii ii[c]/
lxxviii rijnsche gulden(en) en(de) int jair xiiii[c] liii n ii[c] liii
//
r(ijnsche) gulden(en) int jair xiiii[c] liiii iii[c] xxviii r(ijnsche) gulden(en) int/
jair xlv xiiii[c] lv ii[c] lxxviii r(ijnsche) gulden(en) al ten voirs(creven)/
dage(n) en(de) paymente(n) jairlijcx vallende te gelde(n) en(de)/
inde(n) wissele voirs(creven) naed(er) voirs(creven) manie(re)n t(er) wissele(re)n/
prijse te leve(re)n de(n) voirs(creven) t(er)mijn due(re)nde de(n) voirs(creven)/
he(r) en(de) brued(er) willem(me) aut quolib(et) ass(ecutu)[m] It(em)/
oft gebuerde dat oft god wilt niet sijn sal dat/
den voirs(creven) aerde schade geschiede aende voirs(creven) goede/
bynne(n) den voirs(creven) t(er)mine va(n) hagelslage tempeest/
oft gemeyne(n) orloge soe sal den voirs(creven) aerde dair/
af afslach gescien t(er) taxatie(n) va(n) goede(n) knape(n)/
wynge willem(air) januar(ii) xix
Contributors
Moderated bykristiaan magnus
Last update: 2016-03-15 by Jos Jonckheer