SAL7345, Act: R°240.1 (407 of 627)
Search Act
previous | next
Act R°240.1  
Act
Date: 1452-02-15

Transcription

2020-03-25 by Chris Picard
It(em) vanden stoete die was voe(r) den raide vander stad tussche(n) jouffr(ouwe) katheline(n) va(n) nethen(en)/
weduwe andries wile(n) thomas met henr(icke) boelart die tot hue(re)n goede(n) beleyt es/
nae der stad recht in deen zijde en(de) joese willem(air) in dande(r) alse va(n) seke(re)n so(m)me(n)/
va(n) huyshue(re)n die de voirs(creven) jouffr(ouwe) en(de) henric de(n) voirs(creven) joese wae(re)n heysschen(de) vande(n)/
huyse d(er) selv(er) jouffr(ouwe) gelege(n) inde scrijnstrate d(aer) inne de vors(creven) joes gewoent/
heeft eene(n) tijt va(n) jae(re)n t(er) eender zijde(n) ende va(n) seke(re)n loene die de vors(creven) joes/
t(er) and(er) zijde(n) aende voirs(creven) jouffr(ouwe) en(d) henr(icke) boelaert met beeste(n) te slaen v(er)dient/
hadde w(er)t de sake bide(n) borg(er)meest(ere)n eyndelijc beslicht dat de voirs(creven) jouffr(ouwe) en(de)/
henr(ic) boelart de(n) voirs(creven) joese betale(n) souden den voirs(creven) joese eene(n) gulden(en) rijd(er)/
eens die zij daer in gerede(n) gelde betaelden en(de) dat zij d(aer) op deen vande(n) ande(re)n/
van des voirs(creven) is soude(n) staen te vrede(n) sond(er) uut ocsuyn va(n) die(n) deen den ande(re)n/
yet voird(er) oft meer te heyssche(n) [in naecomen(de) tijden] cor(am) abs(oloens) lynt(re) burg(imagistris) fe(bruarii) xv
Contributorskristiaan magnus
Moderated bykristiaan magnus
Last update: 2016-03-22 by Jos Jonckheer