SAL7345, Act: R°246.1-V°246.1 (417 of 627)
Search Act
previous | next
Act R°246.1-V°246.1  
Act
Date: 1452-02-19

Transcription

2020-04-23 by Chris Picard
Het zijn come(n) inde banc te loeven(e) te rechte agneese weduwe/
henr(ix) wile(n) de lange met hue(re)n borge in deen zijde en(de) jacob truwa(n)t/
in dande(r) ald(aer) de voirs(creven) agneese jacoppe(n) aensprac seggende/
dat wile(n) wout(er) vande(n) bempde hue(re)n voirs(creven) man v(er)cocht hadde/
i m(ud)[de] rocx erfs pachts op iii zeke(r) goede gelege(n) tev(er)sberge/
welc goet de voirs(creven) wile(n) wout(er) geloofde te warandere(n) voir/
eyghen Seyde voirt dat art vyncke opde selve goede/
oude(re)n co(m)mer va(n) erfpachte hadde d(aer) voe(r) hij hadde gevolcht/
Seyde voirt dat de voirs(creven) jacop truwa(n)t aenveert hadde als/
oer en(de) erfgename en(de) als mo(m)boer sij(n)s wijfs de haeflike goede/
gebleve(n) na de doot des voirs(creven) wile(n) wout(er)s en(de) mag(rie)te(n) wile(n)/
zijns wijfs dat de leste leven(de) was va(n) welke(n) poente(n) de/
voirs(creven) agneese huer thoenisse(n) v(er)mat Hopen(de) dat de voirs(creven)/
jacop hue(r) de(n) voirs(creven) co(m)mer aen arde vyncke afdoen soude/
en(de) hue(re)n ond(er)pa(n)t d(aer) af losse(n) Wair op de voirs(creven)/
jacopen sijne(n) v(er)antw(er)de(n) ond(er) de(n) andere(n) dede segge(n) dat/
hij hoopte vand(en) voirs(creven) aensp(ra)ke(n) ongehoude(n) te zijne wa(n)t/
hij de voirs(creven) have noyt aenv(er)t en hadde als oer ende/
erfgename en(de) al conste zij bewise(n) dat hij e(n)nige(n) have/
na d(er) voirs(creven) mag(rie)te(n) gebleve(n) te he(m)w(er)t hadde getoge(n)/
dat wae(r) gesciet met rechte en(de) voir mo(n)tcost die de/
voirs(creven) mag(rie)te te he(m)w(er)t tacht(er) wae(r) bleve(n) en(de) and(er)s/
meynde hij dat agneese niet bewise(n) en soude Wair/
op p(ar)tie(n) gewijst zijnde te hue(re)n bethoene also dat/
de selve agneese thoende met arde vyncke die kinde/
dat hij op de selve goede en(de) meer ande(r) met oude(re)n/
br(ieven) dan de voirs(creven) agneese hadde iii m(ud)[de] corens erfs/
pachts Thoende voirt dat met i man dat de voirs(creven)/
jacop gekint hadde dat hij van zijnre zwegh(er) have(n) aenv(er)t/
hadde [met rechte] en(de) voir mo(n)tcost die zij hem schuldich was
//
Also dat te(n) ut(er)ste(n) gewijst was met vo(n)nisse dat de voirs(creven)/
jacop ongehoude(n) zoude zijn va(n) alsulker aensp(ra)ke(n) alse de/
voirs(creven) agneese te hemw(er)t gedaen hadde p(rese)nt(ibus) abs(oloens) witte/
abs(oloens) wynge willem(air) febr(uarii) xix
Contributorskristiaan magnus
Moderated bykristiaan magnus
Last update: 2016-03-22 by Jos Jonckheer