Op tgescille gepoert voe(r) den raide vand(er) stat tusschen den meye(r)/ en(de) rintmeester des lants van zichen(en) in deen zijde ende/ de scepen(en) van tielt inden name vanden ond(er)seten aldair/ Alse vande(n) chijsen des heerscaps vallen(de) ts(in)t remeys messe/ den welken de vors(creven) rintmeester hoepte te hebben te(n) valdage/ oft dat hij d(aer) nae opde pande soude moege(n) procede(re)n en(de)/ dat hem de vors(creven) scepen(en) d(aer) af sculdich wae(re)n recht/ te doene Dair tege(n) de selve scepen(en) in hue(re)n v(er)antw(er)den/ seyden dat zij van costume(n) niet en plage(n) dair af/ den rentmeest(er) recht te doene mair dat dond(er)sete/ sint remeys chijs plege(n) te pl betalen ten t(er)mijne en(de)/ metten chijse van kersmesse Es get(er)mijneert bijden raide/ vand(er) stat soe v(er)re de vors(creven) rintmeest(er) becundicht/ met kercke geboode den vors(creven) chijs s(in)t remeys dach/ te betalen e(n) eve(n)verre dan yemant d(aer) af gebrekelijc/ is dat hij dan d(er) vors(creven) costume(n) niet tegenstaende/ opden gront vortvae(re)n mach en(de) dat de scepen(en)/ hem d(aer) af recht wijze(n) zullen p(rese)ntib(us) (et) actu(m) in pleno/ consilio nove(m)br(is) xii