Item na dien dat her jan van beringhe(n) priester gevo(n)nist heeft voe(r)/ meye(r) en(de) scepen(en) van loven(en) zeke(r) scepen(en) brieve van loven(en) spreken(de)/ van x rijders lijfpencie(n) Dair inne de voirs(creven) h(er) jan zijn heffen heeft/ aen en(de) op thof metten huysen en(de) hove(n) en(de) allen zijnen toebehoerte(n)/ en(de) oic op dande(r) wynnen(de) lande en(de) goede jans de roeve(re) des jongen/ vanden welcken de selve h(er) jan ingebreke was van betalinghen/ Soe es de selve h(er) jan getogen met meye(r) en(de) scepen(en) van loven(en)/ opde voirs(creven) goede tot nederyssche ghelegen aldair den vors(creven) h(er) ja(n)ne/ gelevert es alle tcoren metten stroe liggen(de) ongedorsschen inde/ schue(r) aldair en(de) vort hem in handen gesedt den gront vande(n)/ voirs(creven) goeden met gaders as alsulken erfpacht pacht als raes/ de rijke daer aen lijftochtelic heffen(de) es voe(r) tvoldoen vand(en)/ voirs(creven) x rijders [soe v(er)re die verloepen zijn] en(de) den coste en(de) co(m)mer va(n) rechte d(aer) op geloepen met/ gaders alsulken gebrec van warendeerscape d(aer) inne de vors(creven)/ raes de rijke uut machte vande(n) voirs(creven) brieve te hemwert/ gehouden es cor(am) iud(oco) abs(oloens) willem(air) xxii decembr(is)