It(em) jacop juetens sone jans juetens in p(rese)ncia heeft genome(n) en(de) bekint/ dat hij genome(n) heeft van diericke van langerode zijn wyntmoele(n) te/ herent mette(n) moele(n)huyse(n) en(de) alle(n) ande(re)n toebeh(oerten) Te houde(n) en(de) te/ hebbe(n) va(n) half loemaent naestcomen(de) eene(n) t(er)mijn va(n) ix jare(n) lang/ v(er)volgen(de) elcx jaers d(aer)enbinne(n) voir en(de) om xvi mudde core(n)s goet/ en(de) payabel d(er) mate(n) va(n) loeven(en) en(de) (½) m(ud)[de] schuermeels Te wete(n) talle(n)/ vierdel jaers iiii m(ud)[de] en(de) thalf m(ud)[de] schuermeels alle jae(r) op dierste/ vierdel jaers te betale(n) en(de) te he(re)nt te leve(re)n q(u)[o]l(ibet) ass(ecutu)[m] Met vorwerde(n)/ dat de voirs(creven) jacop talle(n) drie jare(n) oft he(m) gelieft sceyde(n) mach bij/ also dat hijt altijt de(n) voirs(creven) diericke een half jaer te voe(re)n segge(n)/ sal It(em) es vorwerde dat de voirs(creven) jacop de(n) voirs(creven) t(er)mijn dueren(de)/ houde(n) sal op sijne(n) cost de voirs(creven) moele(n) va(n) alle(n) ty(m)meringe(n) ende/ gaende w(er)cke d(aer) toe dierick he(m) de stoffe leve(re)n sal uutgesceyde(n)/ waert dat d(aer) gebrake eene(n) geheele(n) nuwe(n) ganck oft gestell gebrake/ d(aer) toe sal he(m) de voirs(creven) dieric bove(n) de stoffe zijn dachuere(n) betale(n)/ It(em) jacop sal oec de moele(n) houde(n) va(n) smeere liechte en(de) wettinge(n)/ op sijnen cost It(em) wa(n)t de voirs(creven) dierick de(n) voirs(creven) jacoppe leent/ tsijne(n) income(n) iiii m(ud)[de] core(n)s So es vorw(er)de dat de selve jacop/ he(m) die wed(er) betale(n) sal te(n) yerste(n) vierdel jaers It(em) sal de voirs(creven)/ jacop thuys voirs(creven) houden va(n) wande en(de) va(n) dake en(de) dieric sal/ tstroe d(aer) toe leve(re)n en(de) oft binne(n) de(n) tide voirs(creven) de voirs(creven) moele(n)/ stille stonde en(de) niet gemale(n) en conste bij gebreke va(n) ty(m)meringe(n)/ oft d(er)re gelike sake(n) dat dat stillestaen bove(n) drie dage(n) de voirs(creven)/ dierick den voirs(creven) jacoppe va(n) zijne(n) pachte afslaen sal In(de) est fideiussor/ joh(ann)es eelens f(ilius) quond(am) henr(ici) et p(ri)m(us) iud(oco) abs(oloens) willem(air) ja(nuarii) ii