It(em) vande(n) stoete opv(er)staen tussche(n) ja(n)ne pet(er) thijs in deen zijde en(de) claes wout(er)/ hille(n) sone in dande(r) alse vande(n) goede(n) beruerlijc en(de) onberuerlijc hen bleve(n)/ nae en(de) vander doet arnt wile(n) tarijs huerd(er) beyder sweer hebbe(n) hen de/ selve p(ar)tie(n) opde(n) dach va(n) hede(n) verbonde(n) gelikerhant en(de) ges(u)bmitteert in hue(re)n/ vrinde(n) mynlike yffene(re)n diese eendrechtelijc hier toe hebbe(n) genome(n) [te wete(n) gorde luyx en(de) goert hanckart] geloeven(de)/ in beyde(n) zijde(n) vast en(de) gestentich te houde(n) wes de voirs(creven) segge(re)n opde voirs(creven)/ geschille(n) opde(n) dach va(n) hede(n) dat(um) va(n) dese(n) h(ier) af uutspreke(n) en(de) t(er)minee(re)n soude(n)/ welke segge(re)n cort daer nae sijn gecome(n) voe(r) de selve scepen(en) daer voe(r) tvoirs(creven)/(com)p(ro)mis was gepass(er)t by(n)ne(n) de(n) selve(n) dage en(de) hebbe(n) huer uutsprake opde(n)/ stoete voirg(eruert) en(de) tussche(n) de voirs(creven) p(ar)tie(n) gedaen en(de) uutgesproken opde manie(r) h(ier)/ nae v(er)claert Yerst es der voirs(creven) segge(re)n uutsprake dat alsulke(n) deylinge(n) als/ and(er)wile(n) voe(r) scepen(en) van do(m)mele gemaect sijn vande(n) omberuerlike(n) goede(n)/ des voirs(creven) wile(n) arnt tharijs tussche(n) de voirs(creven) p(ar)tie(n) goet vast en(de) va(n) werde(n)/ sal blive(n) voe(r) hen en(de) hue(re)n erfgename(n) tot ewige(n) dage(n) ende alse vande(n)/ beemdeke(n) dat buyte(n) deylinge(n) was blive(n) gehete(n) de(n) putte(n)beempt daer af sal/ elc vande(n) voirs(creven) p(ar)tie(n) hebbe(n) sijns wijfs kinsgedeelte ende alsoe v(er)re alst aengaet/ de(n) vii(½) mudde rog(ge) oic buyte(n) deylinge(n) bleve(n) daer af sal de(n) voirs(creven) claese/ corte(n) die ond(er)half mudde rox tsjaers die sijns wijfs yerste kijnde(re) daer af/ hebbe(n) Ende om dat dande(r) kijnde(re) des voirs(creven) arnt wile(n) thar(ijs) oft huer wettich/ oir vande(r) voirs(creven) erfpachte soe v(er)re v(er)sien sijn dat daer af m(er) ongedeylt en/ blive(n) drie mudde rox onder de drie kijnde(re) des voirs(creven) arnts Soe [es] der voirs(creven)/ segge(re)n uutsp(ra)ke dat elke(n) vande(n) voirs(creven) p(ar)tie(n) sijns wijfs kinsgedeelte inde(n)/ selve(n) drie(n) mudde(n) corens volge(n) sal Es voert huer segge(n) dat elc vanden/ voirs(creven) p(ar)tie(n) sijne(n) last beg(re)pe(n) in sijnder deylinge(n) en(de) va(n) sijne(n) goede(n) hem/ gevalle(n) drage(n) sal ende oft ande(re)n cond(icien) e(n)niger p(ar)tie(n) ov(er)q(ua)me op wiens/ goede die(n) stonde daer af soude(n) zij de(n) last te gelike drage(n) ende/ alle de gereede goede en(de) schoude acht(er) de(n) voirs(creven) wile(n) arnde gebleve(n)/ sulle(n) ombelet vande(n) voirs(creven) claese volge(n) de(n) voirs(creven) ja(n)ne pet(er) thijs ende/ oft om die te c(re)ge(n) de voirs(creven) ja(n) des voirs(creven) claes behoefde d(aer) af sal de/ voirs(creven) claes de(n) voirs(creven) ja(n)ne behulp doen hant en(de) mont leene(n) sonder/ sijne(n) cost Es voert huer uutsp(ra)ke dat de voirs(creven) ja(n) de(n) voirs(creven) clase/ betale(n) sal tussche(n) dit en(de) vastelavont naestcomen(de) xiiii(½) gul(den) peter/ te xviii stuv(er)s ende h(ier) met sulle(n) sij va(n) alle(n) dese(n) v(er)lijct ende v(er)effent sijn/ wynge willem(air) ja(nuarii) xix