Het zijn come(n) te rechte inde banc te loeven(e) daneel vande(n) waerde/ dross(ete) tslants va(n) arschot in deen zijde en(de) lodewijc roelants in dande(re)/ aldair de voirs(creven) daneel aensprac de(n) voirs(creven) lod(ewike) seggen(de) dat/ hij jege(n) he(m) voirmaels gecocht hadde thuys gehete(n) de blide/ met alle(n) de(n) huyse(n) en(de) ande(re)n toebeh(oirten) gelege(n) inde papeleurst(ra)te/ uut comen(de) inde mu(n)tstrate opde(n) oude(n) chijs en(de) voirtane op/ xviii rijd(er)s te quite(n) de(n) d(enier) met xx die de voirs(creven) lod(ewijc) met/ scepen(en) br(ieve) d(aer) aen behoude(n) hadde Seyde voirt de/ selve daneel dat hij de voirs(creven) xviii rijd(er)s aen de(n) voirs(creven)/ lod(ewike) af[af]gecocht hadde also en(de) tgelt d(aer) af de(n) selve(n) lod(ewike)/ betaelt in welke(n) afcope de voir en(de) betalinge(n) de voirs(creven) lod(ewijc)/ de(n) voirs(creven) daneele toegeseet hadde en(de) gelooft he(m) oft/ de(n) ghene(n) die he(m) gelieve(n) soude inde voirs(creven) xviii rijd(er)s/ erflijc te goede(n) en(de) te erve(n) en(de) dat dat waer wa(r)e gaf/ de voirs(creven) daneel dat ov(er) de(n) voirs(creven) lod(ewike) te sijnre eedt oft/ hij p(rese)nt(eer)det selve te houde(n) Tot desen p(rese)nt(eer)de de selve/ daneel de(n) voirs(creven) lod(ewike) oft hij va(n) dien yet tacht(er) wa(r)e/ d(aer) af hij meynde neen dat woude hij he(m) oplegge(n) en(de)/ betale(n) Hoopte d(aer) om dat de voirs(creven) lod(ewijc) de(n) eedt/ va(n) dien ae(n)neme(n) oft ov(er)geve(n) soude oft he(m) oft de(n)/ ghene(n) dien he(m) geliefde vande(n) voirs(creven) xviii rijd(er)s vestich(eit)/ en(de) guedinge doen na recht en(de) oft lod(ewijc) d(aer) jege(n) segge(n)/ woude geliefde he(m) des wael uw(er) he(re)n vo(n)nisse Op dwelc/ de voirs(creven) lod(ewijc) in zijne(n) v(er)antw(er)de(n) genoech bekinnen(de) dat/ de voirs(creven) daneel vande(n) voirs(creven) goede(n) zijn coep(er)e hadde/ geweest en(de) dat hij va(n) he(m) de pe(n)ni(n)ge vande(n) afcope/ vande(n) voirs(creven) xviii rijd(er)s ontf(angen) hadde tot eenre cleynre/ so(m)me(n) na d(aer) af hij seyde noch in gebreke te wesen
//
dede segge(n) dat jacop vande(n) waerde des voirs(creven) daneels/ sone tvoirs(creven) huys v(er)cocht hadde ja(n)ne va(n) coude(n)berge also/ dat de selve jan aen he(m) de(n) selve(n) lod(ewike) de gelike guedinge/ vande(n) xviii rijd(er)s erflijc v(er)socht hadde meynen(de) die te/ hebbe(n) bij dien dat de(n) grot(er) na de(n) rechte vand(er) stad/ in zijne(n) hande(n) stonde En(de) also meynde lod(ewijc) dat hij nyeman(de)/ vande(n) xviii rijd(er)s guedinge doen soude dan de(n) ghene(n)/ dien die aengewijst soude w(er)de(n) te gesciene bij vo(n)nisse/ d(er) scepen(en) oft t(er)minacie(n) vand(er) stad mette(n) welke(n) hij/ hoopte te gestaene In welke(n) v(er)antwerde(n) ja(n) va(n) coude(n)/ berge he(m) mingende mette(n) voirs(creven) lod(ewike) dede segge(n) dat/ want de voirs(creven) daneel de voirs(creven) rinte aen lodewike(n) af/ gequijt hadde ov(er) vele jare(n) dat die na de(n) rechte/ vand(er) stad soude zijn v(er)smolte(n) en(de) dat de guedinge/ va(n) dien behoirde te come(n) tot he(m) als besitte(r) vande(n)/ gronde Seggende mede dat hij anderssins grotelijc/ bedroge(n) soude zij(n) en(de) zijn pe(n)ni(n)ge te v(er)gheefs uutgeleet/soude hebbe(n) dwelc hij hoopte dat ne(m)m(er)meer sijn en(de)/ soude gem(er)ct en(de) aengesien dat tvoirs(creven) huys de(n) voirs(creven)/ jacoppe aengewijst wa(r)e met vo(n)nisse en(de) t(er)mi(n)acie(n) vand(er)/ stad d(aer) af hij he(m) getroeste totte(n) rechte Dair/ op de voirs(creven) daneel dede segge(n) dat des voirs(creven) jans woerde/ in zijne(n) wech niet en stonde(n) noch he(m) onstade doen en/ soude(n) moege(n) aengesien al mochte jacop zij(n) na(tuer)lijc sone/ tvoirs(creven) huys hebbe(n) v(er)cocht dwelc daneel liet staen op/ zij(n) beloop sond(er) dair jege(n) te wille(n) segge(n) Maer hij mey(n)de/ dat de voirs(creven) jacop uut de(n) beleyde dat hij hebbe(n) mocht/ opde goede des voirs(creven) zij(n)s vad(er)s niet gederve(n) en/ conste rinte(n) oft goede d(aer)inne de selve daneel sel niet gegoet
//
en was Seggende de selve daneel te(n) slote dat hij bij dier reden(en)/ vande(n) opdoene des voirs(creven) jans va(n) coudenberge ongehoude(n) soude zijn/ ende dat de voirs(creven) lodewijc aenneme(n) oft ov(er)geve(n) soude oft hem/ de voirs(creven) guedinge doen Wair op de scepen(en) gemaent wijsde(n) den/ voirs(creven) janne va(n) coude(n)berge in zijnre aensprake(n) te hemw(eer)t v(er)doolt/ te zijne en(de) na de p(rese)ntacie des voirs(creven) daneels dat de voirs(creven)/ lodewijc aenneme(n) soude de(n) eedt te gheve(n) oft te neme(n) oft na/ der aenspraken vande(n) xviii rijd(er)s guedinge te doene Na de(n) welke(n)/ de selve lodewijc dien den vors(creven) daneel ov(er)gaf ende alst come(n)/ es opde(n) dach va(n) hede(n) de(n) voirs(creven) daneele om de(n) eedt te doene/ gedaecht zijnde heeft de voirs(creven) lodewijc hem dien v(er)drage(n) en(de)/ alsoe aengenome(n) de guedinge te willen doen na de(n) vo(n)nisse voirs(creven)/ P(rese)nt(ibus) m(ychaeli) abs(oloens) witte abs(oloens) col(onia) m(ar)cii ix